Македонија
Oтворен првиот центар за жртви на сексуално насилство во Македонија
Денеска во кумановската болница, беше отворен првиот од вкупно трите центри за заштита на жртви од семејно насилство со донација од 400 илјади евра од УНДП и УНФПА, како и во соработка со граѓанската организација ХЕРА. Центарот профункционира по само една година откако Владата ја ратификуваше Истанбулската конвенција за превенција и сузбивање на насилството врз жените и на семејното насилство.
„Во државата досега немаше ниту еден центар каде ќе бидат згрижени овие жртви. Токму поради тоа, процентот на пријави на вакви случаи е многу мал. Во овие центри сега жртвите ќе ја добиваат помошта на едно место, односно нема да бидат принудени да одат на различни места и постојано да ја раскажуваат истата приказна„, изјави Лујза Винтон, постојана координаторка на Обединетите нации во Македонија.
Министерката за труд и социјална политика, Мила Царовска, во своето обраќање рече дека со отворањето на овие центри, Македонија ги обезбедува потребните услуги за жртвите на сексуално насилство, кои се во согласност со меѓународните стандарди.
„Владата забрзано работи на подготвување на неколку пакет мерки за искоренување на секој вид насилство. На овој начин сите заеднички ќе направиме напори за развивање и подобрување на националното законодавство за борба против насилството врз жените, но и кон превентивно делување и подигање на јавната свест„, рече Царовска.
Според, министерот за здравство Венко Филипче, целта на овие центри е примарно да се заштитат жртвите од родово насилство, на начин со кој ќе се почитува достоинството и интегритетот на жртвите.
“Центарот е пристапен за жртвите со физички инвалидитет и е целосно опремен со гинеколошка опрема. Во следниот период се очекува да се отворат уште најмалку три нови центри, а Министерството за здравство се обврзува и понатаму да го поддржува развивањето на центрите за упатување на жртви на сексуално насилство и усогласување на стандардите на Република Македонија со стандарите на Советот на Европа и ОН„ рече Филипче.
Министерот за внатрешни работи, Оливер Спасовски вели дека отворањето на првиот ваков центар треба да се разбере како почеток на патот кон целта.
„Овие центри ќе служат, не само за спречување или за заштита на жртвите, туку за нивно подигнување на нозе, за да можат сами понатаму да чекорат во животот„ рече Спасовски.
За работењето на центарот е развиена стандардна оперативна процедура за третман на жртви на сексуално насилство која ќе помине како официјален документ на следната владина седница и истата ќе биде обврзувачка за понатамошно користење.
Република Македонија, во декември 2017 година ја ратификуваше Конвенцијата на Совет на Европа за превенција и сузбивање на насилството врз жените и семејното насилство. Според член 25 од оваа Конвенцијата, имаме обврска, како држава, да ги инкриминираме сите форми на насилство врз жените вклучително и сексуално насилство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: На бугарофилите им кажавме дека местото не им е тука
На митингот во Охрид се обрати и Јована Мојсоска, носител на листа на ИЕ 5 која истакна дека влезот на двајцата пратеници во Собранието покажал како треба да се води вистинска левичарска опција, за разлика од т.н. социјалдемократи кои изминатиот мандат ги распродале сите АСНОМ-ски идеали.
,,Мене ми е малце дегутантно кога слушам дека некој ќе го праќал ДУИ во опозиција. Тие имаа можност да ги пратат ДУИ во опозиција тука во советите, но сите бевме сведоци како се продаваше Мауцер и како локалниот шериф Нефи Усеини гради дивоградби, а градоначалникот молчи. Дури и ја сруши плочата на АСНОМ за која градоначалникот, исто, мудро молчи. Со Левица на власт ќе ја срушиме дивоградбата на Нефи и ќе ја вратиме плочата на АСНОМ”, истакна Мојсоска.
Мојсоска истакна и тоа дека Левица како единствена работничка партија е противтежа на анационалната олигархија која беше креирана во 90 – тите.
,,Нашата борба во Собранието е единствената причина зошто денес немаме Бугари во устав. Да не беше Левица, ние ќе гледавме фашистички клубови во секој град во државата. Ние ниту сме во спрега со моќниците кои се поврзани со секоја власт, ниту сме уценети и затоа нашите политички непријатели знаат дека со нас не се преговара за непринципиелни работи“, истакна Мојсоска.
Додека ја обвинуваат Левица дека е во коалиција со СДС и ДУИ, само против Талат Џафери Левица има поднесено девет тужби кои, како што истакна Мојсоска, се чуваат во фиока.
,,Само ќе спомнам против кои звучни имиња Левица поднела кривична пријава: Шкодране Дардишта, Бенито Јошевски, Артан Груби, Сали Мурати, Оливер Спасовски, Беким Максути и многу други. И Левица ќе биде факторот против бугаризацијата на Уставот додека одродените социјал-демократи ќе завршат на буништето на историјата”, рече Мојсоска.
,,Иако имаше обид од страна на бугарски структури да го воскреснат неофашизмот кај нас со отворање на клубови со фашистички наративи, ние не паднавме во духот. Напротив кога ги отвораа клубовите ,Ванчо Михајлов’ и ,Цар Борис’ се собравме и на бугарофилите им кажавме дека местото не им е тука. Особено, не по диктат на буржоазијата која купува национален идентитет и историја за ситни пари кои носат крупни гревови. Секогаш сме биле на вистинската страна, секогаш со нашето присуство, каде и да се појавиме, часовите им се избројани”, рече Горан Велевски, кандидат за пратеник во ИЕ5.
Македонија
Демократски сојуз: Народот не може да создаде толку колку што власта може да украде
Демократскиот сојуз на сите работници им го честита Меѓународниот Ден на правата, 1-ви Мај.
„Во услови на влошена економско-социјална положба на работниците, единствен гарант се само силни синдикати.
Независни цврсти, добро организирани и меѓусебно координирани синдикати можат да ги штитат и унапредуваат правата на работниците. Слабо платените работници и други работоспособни граѓани ја напуштаат Македонија. Ваквата состојба е резултат на вкупните лоши политики и негрижата на власта и работодавците кон тие што работат и создаваат нови вредности“, велат од Демократскиот сојуз.
Како што велат, Демократскиот сојуз е прва партија која во Македонскиот парламент предложи минимална плата, како што предлагаат и дефинирање на минимална пензија.
„Повеќе од јасно е дека е неопходен системски пристап и вреднување на трудот на секој вработен, но без реформи и борба против високата корупција состојбите нема да се променат. Народот не може да создаде толку колку што власта може да украде“, велат оттаму.
Демократскиот сојуз ги повикува синдикатите, на претстојните избори да се вклучат во промените.
Македонија
Ковачевски: Нека ни е честит 1 Мај, денот на трудот – СДСМ секогаш била на страната на работниците
„СДСМ како единствена авентична социјалдемократска партија секогаш била на страната на работниците, а нашите социјалдемократските политики ги заштитија граѓаните и ја спасија земјата од колапс за време на кризите во изминатите години“, изјави претседателот на СДСМ, Димитар Ковачевски, на денешниот Првомајски пикник што се одржа во Градскиот парк во Скопје.
Тој потенцираше дека за време на владеењето на СДСМ значително се унапредиле работничките права и се подобрил животниот стандард на граѓаните.
„СДСМ е партијата која обезбеди повисока минимална плата за работниците и постави методологија за сигурен и континуиран раст што денес резултира со минимална плата од 22.500 денари. Нешто што беше незамисливо до пред само седум години. Незамисливо беше затоа што претходната власт на ДПМНЕ ги третираше и продаваше нашите работници низ светот како евтина работна сила. Верувале или не, со тоа привлекуваа инвестиции“, рече Ковачевски.
Ковачевски потсети дека токму СДСМ е партијата која обезбеди недела да биде неработен ден и ги зголеми пензиите и платите во суштинските сектори како здравство, образование и безбедност. Никого не оставивме сам да се бори со последиците од кризата, водејќи се од принципите на солидарност и правда, истакна Ковачевски.
„Кога ги носевме антикризните мерки, ние решивме да се однесуваме одговорно. Правилно го распределивме ограничениот буџет и ги вративме парите кај граѓаните кога беше најпотребно. Обезбедивме 2,6 милијарди евра за поддршка на граѓаните и стопанството со што го заштитивме животниот стандард и достоинството на граѓаните, но и ги зачувавме работните места.“
Лидерот на СДСМ на сите граѓани на Македонија им го честиташе 1 Мај – Меѓународниот ден на трудот и најави дека партијата останува верен сојузник и поддржувач на работниците.