Забава
Совети како ноќното возење да го направите пријатно и удобно

За некои возачи возењето во ноќни услови е забавно и возбудливо, за некои спокојно и мирно, за некои е вистинско уживање, а за некои е напорно, мачно и тешко. Секој возач си има свои лични афинитети, желби и барања, но важно е да се потенцира дека, согласно со искуствата и истражувањата, денското возење се смета за многу побезбедно од ноќното возење.
Возењето во ноќни услови носи многу предизвици, потенцијални закани и опасности од аспект на безбедно одвивање на сообраќајот и токму затоа Републички совет за безбедност на сообраќајот на патиштата (РСБСП) советува за полесно справување со предизвиците од ноќното возење.
„Најголем предизвик кај ноќното возење е слабата видливост на патот и околината. Една студија во САД покажува дека од една третина до една половина од сите возила имаат слабо или погрешно насочени фарови и светла. Затоа, доколку патувате во ноќни услови, задолжително проверете дали светлата и фаровите работат со максимална ефикасност“, советуваат од РСБСП.
За подобра видливост, помало напрегање и помал замор при возењето во ноќни услови, светлата, фаровите, ретровизорот, ветробранските стакла и страничните стакла секогаш треба да бидат максимално чисти.
Возачите со сериозни проблеми со видот најдобро е да не учествуваат во сообраќајот, особено во ноќни услови и во услови на дожд, кога видливоста е значително загрозена.
Според англиските оптичари, околу 90% од реакцијата на возачот зависи од видот. Затоа, секогаш кога возите, а особено кога возите во ноќни услови, доколку имате проблем со видот, задолжително користете ги оптичките помагала.
Доколку имате проблеми со видот и доколку користите оптички помагала, пред да започнете со патувањето, почекајте неколку минути во автомобилот очите да се прилагодат на темнината. Според англиската асоцијација на оптичари, прилагодувањето на темнината значително ќе ја подобри вашата способност за гледање во мракот.
Возачите кои имаат проблеми со видот, во услови на ден и силно сонце, пожелно е редовно да користат очила за сонце и на тој начин полесно ќе се прилагодат за возење во услови на темнина.
Намалување или елиминирање на пушењето е особено важно затоа што чадот од пушењето ја намалува визуелната способност на возачот.
Согласно со ЗБСП, користењето светла во Република Македонија е задолжително и дење и ноќе и таа обврска треба секогаш да се почитува. Доколку некогаш ги немате вклучено светлата и се прашувате дали е доволно темнина да ги вклучите светлата, тоа значи дека првите симптоми за намелена видливост се веќе присутни и треба веднаш да ги вклучите светлата.
Искусните возачи знаат дека брзината секогаш треба да се прилагодува кон условите и видливоста на патот. Секој возач секогаш треба да внимава на дозволената брзина, но во услови на ноќ брзото возење повеќекратно го зголемува ризикот од предизвикување сообраќајна незгода.
Користете ги долгите светла, но истовремено бидете внимателни и не заслепувајте ги возачите кои доаѓаат од спротивен правец. Исто така, создавајте си навика да не гледате директно во светлата на возилата што доаѓаат од спротивната страна или во светлата што се наоѓаат во околината. Гледањето директно во изворот на светлината ја намалува визуелната способност на возачот и ги изморува очите.
Внимавајте на рефлексиите и на индиректните извори на светлина како издувните гасови на возилата пред вас, очите на животните, вировите вода на коловозот итн. Голема е можноста погрешно да ве наведат и да донесете погрешна одлука како возач.
Возењето во ноќни услови најчесто е спротивно на биоритамот на организмот и предизвикува замор и поспаност кај возачот, особено во периодот од 2:00 до 7:00 часот наутро. Затоа, доколку возите ноќе, правете почести паузи за одмор, вежби, краток сон.
За полесно да се справите со заморот, консумирајте повеќе течности (вода, кафе), разговарајте со сопатниците, пропуштајте свеж воздух во возилото и дишете длабоко.
При возење во ноќни услови, внимавајте на животните на патот – тие се активни во тој период од денот и ризикот за нивна појава е поголем.
Доколку имате навика, желба или потреба да патувате ноќе и доколку сакате полесно да се справите со предизвикот наречен „Безбедно ноќно возење“, почитувајте ги овие препораки и совети, наведуваат од РСБСП.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Егзит“ најавува крај: Ако ова е последниот „Егзит“ во Србија, нека биде незаборавен

Пред 25 години, EXIT беше создаден како студентско движење за мир и слобода во Србија и на Балканот. Од својот почеток до денес, тој прерасна не само во еден од водечките фестивали во светот, туку и во глобален симбол на заедништво, толеранција и сила на младите луѓе. Преку музика, креативност и активизам, поврзувавме генерации и народи, ги обновувавме раскинатите врски и изградивме мостови онаму каде што многумина ги уриваа. Донесовме најпрестижни европски фестивалски награди во Србија и во регионот, како и стотици милиони евра туристички прилив со промоцијата чија вредност е категоризирана од светските експерти како непроценлива, велат организаторите на фестивалот.
„Сепак, од моментот кога минатата година јавно застанавме на страната на студентите и нивната борба за слободно и праведно општество во Србија, бевме изложени на огромни финансиски и други притисоци, со цел да ни се укине нашето право на слобода на мислење и говор. Иако целосно ни беше ускратено јавното кофинансирање на сите нивоа на власта, без кое во ограничените економски рамки долгорочно не е можно да се реализира фестивал од големината и реномето на Exit, не прифаќаме да бидеме замолчени.
View this post on Instagram
Сметаме дека слободата нема цена и токму затоа, годинашново јубилејно издание на фестивалот ќе биде последното што ќе се одржи во Србија во која се задушува слободата на говор. Иако знаеме дека сме добредојдени во многу делови од светот, на нашата публика ѝ должиме последно танцување на Петроварадинската тврдина, поради што целиот наш тим е поодлучен од кога било досега годинашново издание да го направи најемотивното и најнезаборавното до сега.
Тој ќе се одржи од 10 до 13 јули во Нови Сад, кога заедно со студентите ќе одбележиме 25 години заедништво. EXIT не е само фестивал, EXIT сме сите ние кои веруваме дека можеме подобро. И како што пред четврт век заедно ја запаливме искрата на промената, денес уште еднаш го браниме правото да живееме слободно.
Ако ова е последниот EXIT на Тврдината, нека биде незаборавен. Нека биде нашиот најсилен досега. Фестивал кој ќе се памети не по крајот, туку по единството. По љубовта. По слободата!“, пишува на официјалниот профил на Инстаграм.
Забава
Тие ништо не кријат: хороскопски знаци кои секогаш ќе ви кажат сè во лице

Некои знаци ги бираат своите зборови, ја мерат секоја реченица, размислуваат како некој ќе разбере нешто и се предомислуваат пет пати пред да проговорат. А потоа има и такви кои сè кажуваат веднаш, јасно и без клешти. Нема „Би рекол, но не сакам да ве повредам“ за овие три хороскопски знаци.
Ако мислат дека нешто не е во ред, ќе го знаете тоа. Без разлика дали станува збор за вашата фризура, вашето однесување или вашите животни одлуки, нивното мото е: вистината пред удобноста. И иако понекогаш звучат грубо, најчесто нивната искреност е чиста намера.
Овен
Овните немаат време за суптилност. Ако нешто не е во ред, ќе ви кажат. Ако нешто ги мачи, веднаш ќе го знаете. И ако мислат дека грешите, ќе го кажат како да ја читаат временската прогноза. Без драма, без клешти.
Нивната искреност доаѓа од потребата веднаш да се завршат работите. Не затоа што сакаат конфликт, туку затоа што емоционалната стагнација е полоша за нив од која било непријатна вистина. Кога ќе ги прашате за нивното мислење, ќе го добиете во целосна форма. Без дополнителни додатоци.
Стрелец
Стрелците се познати по нивната брутална искреност. Тие едноставно не можат да лажат. Не од учтивост, не од сочувство, дури ни кога би било подобро за нив. Ако мислат дека правите нешто глупаво, ќе ви кажат. Ако мислат дека сте се истакнале, ќе ве пофалат исто толку гласно.
За нив, вистината и слободата се најважните вредности, и ако нешто не им се допаѓа, ќе го споделат со остатокот од просторијата. Понекогаш ја преминуваат границата, но барем знаете каде стоите. Секогаш.
Девица
Девиците нема да викаат, но ќе сакаат да анализираат сè што сте кажале, направиле или заборавиле да направите и да ви го сервираат, точка по точка. Нивната искреност доаѓа од потребата за јасност и подобрување. Ако кажат дека нешто не ви се допаѓа, тоа не е затоа што сакаат да критикуваат, туку затоа што веруваат дека заслужувате подобро.
За Девицата, криењето на вистината е губење време. Тие веруваат дека нивната искреност е дар. Иако понекогаш свртуваат во пасивно-агресивни коментари, во нивната суштина секогаш се водени од желбата да ви помогнат да продолжите напред. Дури и ако на почетокот превртувате со очите.
Забава
Привлече внимание со скапата чанта: Ирина Шајк фотографирана шетајќи низ Њујорк

Ирина Шајк привлече внимание на улиците на Њујорк додека го шеташе своето куче.
39-годишната манекенка излезе во спортски црни панталони со портокалови детали и црна кошула. Ги комбинираше и со црна чанта од Хермес. Станува збор за модел Mini Kelly чија цена надминува 20.000 долари.
Ирина привлекува внимание со своите модни избори каде и да се појави. Неодамна сними кампања за познат бренд, а нејзините фотографии брзо се проширија на социјалните мрежи. Покрај виткото тело на Ирина, вниманието го привлекоа и чевлите што ги носеше. Моделот го комбинираше својот костим за капење со високи гумени чизми.
39-годишната Ирина стана позната како меѓународен супермодел. Таа е најпозната по својата работа со Sports Illustrated Swimsuit Issue, кое во 2011 година ја направи првата Русинка на насловната страница на тоа престижно издание.
Ирина ја започна својата кариера како модел откако победи на локален натпревар за убавина, што доведе до нејзино потпишување со големи модни агенции. Таа соработувала со познати модни брендови како што се Армани, Версаче, Живанши, Барбери и многу други. Исто така, се појавила на насловните страници на престижни списанија како што се Вог, Харперс Базар и Ел.
Пред да стане модел, студирала маркетинг. Покрај рускиот јазик, зборува течно англиски и малку италијански. Има 24 милиони следбеници на Инстаграм.