Македонија
Османи: На референдумот лесно може да се влијае
Шефот на преговарачкиот тим на Владата со Европската Унија, Бујар Османи, денеска од Дебар го започна преговарачкиот Караван за европеизација на општеството. Тој рече дека нема друг избор освен позитивен исход на референдумот.
„ДУИ на почетокот беше против референдум бидејки сметаше дека не е најдобро решение бидејки не е најпрестижен инструмент за одразување на војлата на граѓаните. Референдум има кога има разлики во нијанси во бои. Но кога се носат стратешки одлуки, како што е оваа сега во врска со иднината на државата, на референдумот лесно може да се влијае внатрешно, регионално, но и геополитички од кругови кои не сакаат да се постигне целта и Македонија да стане членка на НАТО и ЕУ. Но потребен е компромис со цел да се излезе во престрат на граѓаните од кои над 75 отсто сакаат членство во НАТО и ЕУ“, рече Османи и потврди дека лидерите на партиите ќе се сретнат в понеделник во 9 часот.
Тој оцени дека позитивен референдум очекуваат сите политички партии на Албанците во Македонија.
Османи, кој во Дебар престојуваше со неколку министри и заменици министри од ДУИ, имаше средба и со градоначалникот Ружди Лата кој изјави дека Дебар е почестен што караванот за европеизација стартува од овој град и додаде дека местото на Македонија е во ЕУ и НАТО.
К.М.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да им остават простор на пацинетите на кои им е потребен и да се намалат листите на чекање, порача денес заменик-министерот за здравство, Јовица Андовски.
Како пример посочи дека во Скопје за компјутерска томографија, од 4.070 закажани термини, 970 не се појавиле ниту пак, известиле дека нема да може да дојдат.
Заменик-министерот направи споредба со некои држави во кои ако двапати ако се откаже терминот, следува глоба или губење на можноста пациент да закаже редовен термин за одреден временски период. Сепак, Андоновски, не гледа засега на тоа како можно решение кај нас, туку се надева дека преку ваквите апели ќе може да се поправи состојбата.
Македонија
Ахмети за Денот на албанската азбука: Мора да го браниме албанскиот јазик
Претседателот на Демократската унија за интеграција, Али Ахмети на сите Албанци им го честита 22 ноември, денот на Конгресот во Битола и азбуката на албанскиот јазик.
„За мене денеска е ден на албанскиот јазик, не само денот на азбуката на нашиот свет јазик и на конгресот во Битола. Мора да го негуваме и промовираме нашиот древен јазик, да се здружиме и да се ставиме во првите редови на напорите да го заштитиме од секојдневните напади. До вчера работевме на унапредување на употребата на нашиот јазик, а денес сме во позиција да го штитиме постигнатото. Националното прашање, јазикот, знамето, унијата и интеграцијата бараат посветеност од мажи и жени-идеалисти и мисионери“, рече Ахмети кој е во Швајцарија.
Македонија
Стоилковиќ го честита Денот на албанската азбука: Македонија е пример за заедништво, почит и заемно разбирање
Вицепремиерот и министер Стоилковиќ објави честитка по повод 22 Ноември – Денот на албанската азбука.
„Овој ден е потсетник за богатството на различностите и за важноста на зачувувањето на јазичните и културните вредности на сите етнички етнички заедници кои живеат во земјава. Потсетник дека РС Македонија и понатаму, и покрај фактот што живееме во едно комплексно време, останува пример за заедништво, почитување и заемно разбирање меѓу граѓаните, па затоа чествувајќи го Денот на албанската азбука уште еднаш ја потврдуваме посветеноста кон негувањето на соживотот во мултиетничкото и мултијазичното општество.
Јазикот е моќна алатка и идентитет на еден народ. Тој е сеопштиот сврзен елемент на сите човечки култури. Алатка која обединува и овозможува напредок, но во исто време и потсетник дека и покрај разликите делиме иста судбина и мораме да градиме заедничка иднина. На сите припадници на албанската заедница им го честитам Денот на албанската азбука“, се вели во честитката.