Свет
Вооружен маж застрела две лица, а рани 12 во Канада
Двајца убиени и 12 повредени од кои едно лице е во критична состојба, во вооружен напад од страна на непознат маж, кој според информациите, извадил пиштол и почнал да пука во луѓе на прометна улица во најголемиот град на Канада. Меѓу загинатите е млада жена, а критично повредено е мало девојче на осум или девет години.
Напаѓачот, 29-годишен маж, кој отворил оган кон полицијата, подоцна бил најден мртов. Инцидентот започнал синоќа, а мотивот за нападот, чија цел биле најмалку две кафулиња и ресторан, сè уште не е познат. Исто така, полицијата сè уште не го идентификувала напаѓачот, освен неговите години.
Според видеоснимка, пренесена од канадските медиуми, може да се види белец, облечен во црна облека и црна капа, како носи торба на рамото и вади пиштол пред да започне да пука. Некои од жртвите биле третирани на местото на настанот, додека другите биле пренесени во болница.
Премиерот Џастин Трудо изрази длабоко жалење за жртвите, додека градоначалникот на Торонто, Џон Тори, го осуди нападот врз луѓе, кои, како што рекол, невино си уживале во недела навечер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Кулеба: Повеќе од половина од енергетскиот систем на Украина е оштетен во нападите на руските сили
Повеќе од половина од енергетскиот систем на Украина е оштетен во нападите на руските сили, изјави министерот за надворешни работи на Украина Дмитро Кулеба.
Во интервју за Форин Полиси, тој рече дека Украинците најмногу страдаат од руските ракетни напади и дека руските балистички ракети се „вистинско зло“.
Наведувајќи дека руските сили користат балистички ракети главно за напади врз енергетскиот систем на Украина, Кулеба оцени дека која било друга земја, доколку претрпи таква штета на енергетските капацитети, ќе изгледа многу полошо од Украина.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.