Македонија
(Видео) Костадинов: Ќе има ДИК, ќе има и референдум, амнeстија на криминалот нема да има
![](https://makfax.com.mk/wp-content/uploads/2018/07/kostadinov-sdsm.png)
ВМРО-ДПМНЕ и Христијан Мицкоски бесрамно тргуваат со националните интереси на Македонија за сметка на амнестија за криминалите на фамилијата. Мицкоски вчера неодговорно и срамно избега од решение, порача Костадин Костадинов од СДСМ.
„Иако ВМРО-ДПМНЕ со години се залагаше за референдум за договорот со Грција, Мицкоски вчера бесрамно ги услови договорот и идниот референдум со амнестија на криминалите на ВМРО-ДПМНЕ. Христијан Мицкоски одби да се откаже од својата намера преку бојкот да се обидува да ги уништува ЕУ и НАТО-перспективите на граѓаните.
Поради амнестија на криминалот, Мицкоски се обидува да ја турне Македонија во изолација и неизвесност, во темното минато на криминал и неказнивост. Колку и да се трудат, ВМРО-ДПМНЕ и Мицкоски нема да ја закочат македонската иднина.
Македонците со своите сограѓани од сите етнички заедници што живеат во Македонија одат напред, таму каде што припаѓаме, во ЕУ и НАТО, рамо до рамо со големите сили.
Како одговорна партија, заедно со сите политички субјекти што се на страната на НАТО и ЕУ, ќе овозможиме волјата на граѓаните да биде целосно почитувана и реализирана.
Ќе победи волјата на граѓаните. Ќе има ДИК, ќе има и референдум, амнeстија на криминалот нема да има“, нагласи Костадинов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.