Свет
Парламентарни избори во Камбоџа, но без опозиција
Во Камбоџа денеска се одржаа парламентарни избори, но без учество на опозицијата. Во овој изборен процес се очекува победа да извојува владејачката Камбоџанска народна партија на долгогодишниот премиер Хун Сен.
Тој е на власт веќе 33 години, и се очекува единствен посериозен отпор да дојде од Нородом Ранарид, син на кралот Нородом Сихамони.Право на глас имаа 8,3 милиони жители на Камбоџа, акои треба да изберат 125 пратеници во Националното собрание.
Избирачките места беа затворени во 15 часот, а министерот за информации Киу Кхарит напиша на Фејсбук дека 75 отсто од 8,3 милиони регистрирани гласачи излегле на изборите.Прелиминарни резултати се очекуваат вечерва.
Хум Сен (65) е на власт 33 години и неговата партија победува на сите избори од 1998 година.
Критичарите денешните избори ги нарекоа фарса бидејќи најголемата опозициска партија, Камбоџанската партија за национален спас (ЦНРП), единствената партија која може да му биде противник на Хун Сен е распуштена во ноември 2017 година, а нејзниот лидер Кем Согха е уапсен. но, владејачката партија тврди дека 19 други партии учествувале на изборите.Меѓу оние кои што го доведуваат под знак прашање денешното гласање се и САД и Европската Унија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.