Македонија
Политичките состојби во земјава тема на средбата Иванов – Палмер

Претседателот Ѓорге Иванов денеска го прими Метју Палмер, вршител на должност заменик-помошник државен секретар во Стејт департментот на САД за Европа и Евроазија.
Како што информираат од Кабинетот на Иванов, на средбата се разговарало за актуелните политички состојби во земјава и за натамошно зацврстување, збогатување и унапредување на стратегиското партнерство меѓу Република Македонија и САД.
Во однос на постигнатиот договор меѓу владите на Македонија и Грција, Иванов истакнал дека не прифаќа договор со кој се кршат уставот, законите и се рушат државните институции, односно претставува договор кој е на штета на македонските национални интереси.
Според шефот на државата, Македонија уште во 2008 година ги исполнила условите за членство во НАТО и сиве овие години активно придонесува во НАТО мисиите, заедно со земјите членки и поради тоа, како што истакнал, го заслужува членството без дополнителни услови.
Иванов исто така изразил очекување дека ќе продолжи американската поддршка за надворешно-политичките цели и приоритети на земјава, за добрососедските односи и регионалната соработка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нов топлотен бран во наредните денови, се очекуваат температури до 40 степени

Времето денеска ќе биде сончево и многу топло. Ќе дува слаб до умерен ветер од североисточен правец. Минималната температура ќе биде во интервал од 11 до 19, а максималната ќе достигне од 33 до 39 степени.
Во Скопје, сончево и многу топло со слаб до умерен ветер од североисточен правец. Минималната температура ќе се спушти до 18, а максималната ќе достигне до 39 степени.
Времето во наредните денови
Под влијание на многу топла воздушна маса од југ во текот седмицата времето ќе биде сончево и многу топло со појава на локална облачност преку денот. Дневната температура насекаде ќе биде над 30°C, а наместа се очекува да достигне и 40°C.
Македонија
Дел од Карпош без вода

Од ЈП Водовод и Канализација известуваат дека денеска поради дефект на затварач (шибер) од ф 200 мм на булеварот Партизански Одреди бб (до поликлиника Букурешт), со прекинато водоснабдување ќе бидат корисниците од булеварот Партизански Одреди, на потегот од поликлиника Букурешт до бензинска пумпа ОКТА, општина Карпош.
Водоснабдувањето ќе биде прекинато од 09:00 часот до завршување на санацијата на дефектот.
Македонија
Без струја дел од општина Бутел

Од ЕВН Македонија АД известуваат дека без електрична енергија ќе останат:
– во периодот од 09.00 до 13.00 часот корисниците на улица кај керамика Имола под обиколницата во Визбегово (општина Бутел).