Свет
Дупната гума на камион причина за пожaрите во Калифорнија, објави Си-Ен-Ен
Како што пренесува Си-Ен-Ен, дупната гума на камион додека се движел на автопат била причина за појавата на пожaрите во Калифорнија. Според информациите, на 23 јули на патот во близина на градот Рединг, пукнала гума на приколка за камион, од чии искри настанал пожар.
Во пожарот, што американските медиуми го нарекоа „Кар“ досега животот го загубија седум лица, меѓу кои има и пожарникари. Последната жртва е работник во електродистрибуција, пренесе Ројтерс, додавајќи дека засега не се познати детаљите.
Во меѓувреме, уште неколку илјади жители на планинските предели се евакуирани поради најголемите шумски пожари на северот од Калифорнија, додека уморните пожарникари се борат со ветерот кој им ја отежнува работата.
Пожарот во комплексот Мендосино во петокот дополнително доби на интензитет, уништувајќи над 62.000 хектри, што е половина од Лос Анџелес. Огнот натера 16.000 жители да побегнат од домовите.
Со пожарите во Калифорнија се борат пожарникари од 16 американски сојузни држави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.