Свет
Рашиба Тјелб првата муслиманка која ќе биде дел од Конгресот
Поранешната застапничка на американската сојузна држава Мичиген, Рашиба Тјелб, се натпреварува за место во Конгресот откако победи нејзината Демократска партија, а со самото влегување во Когресот таа станува првата муслиманка која е избрана за тоа тело на власта во САД.
Таа ќе го наследи Џон Конер, кој беше на таа позиција од 1965 година и се пензионираше во декември минатата година, повикувајќи се на здравствени причини откако беше обвинет за сексуално вознемирување, пишува „Индипендент”.
Michigan lawmaker Rashida Tlaib is almost certain to become the first Muslim woman to be elected to the US Congress after winning the Democratic primary pic.twitter.com/BYnFECmH04
— TRT World Now (@TRTWorldNow) August 8, 2018
Таа освои 33,6 отсто од гласовите и официјално ќе го наследи на 6 ноември.
Расиба Тјелб е ќерка на палестински имигранти, која е родена во Детроит во 1976 година. Таа заврши политички науки на Универзитетот „Вејн Стејт“, по што дипломирала и право во 2004 година.
По прогласувањето на нејзината победа, таа им кажа на медиумите дека е „преплавена од емоции”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Марин Ле Пен и 26 лица обвинети за финансиска измама
На француската политичарка и екстремно десничарка Марин Ле Пен, заедно со уште 26 лица, ќе и се суди под обвинение за финансиска измама, која наводно траела од 2004 до 2016 година.
Според обвинителството, Марин Ле Пен и нејзините колеги од партиите Национален фронт и Национален собир користеле пари наменети за плаќање помошници на претставниците во Европскиот парламент за да им платат на луѓето кои работеле за партијата во Франција.
Поранешниот кандидат за претседател на Франција демантираше се. Според неа, станува збор за „политички прогон“, додека од Европскиот парламент велат дека се оштетени финансиски, но и дека им е уништен угледот.
Доколку биде прогласена за виновна, максималната казна за овие кривични дела е 10 години зад решетки. Сепак, поголем проблем за Марин Ле Пен е фактот што може да биде осудена и на долгорочна забрана за политичка активност.
Ле Пен особено сака да го избегне овој дел од реченицата, бидејќи според сегашните анкети, веројатно има најголеми шанси да стане шефица на Франција на изборите што ќе се одржат во 2027 година, имајќи предвид дека сегашните анкети велат дека таа има поддршката на 40 отсто од граѓаните на оваа земја.
Се очекува дека Ле Пен ќе се обиде да направи политичко прашање од нејзиното судење, по примерот на Доналд Трамп и дека нејзината популарност ќе се зголеми доколку биде осудена. Не се знае кога ќе заврши судењето.
Свет
Зеленски: Никој не знае што му е на ум на Путин
Украинскиот претседател Володимир Зеленски денеска изјави дека не е прв пат рускиот лидер Владимир Путин да му се заканува на светот со можна употреба на нуклеарно оружје и дека „никој не знае што му е на ум“.
„Никој не знае што навистина има Путин на ум. Тој може да користи нуклеарно оружје во која било земја, во секое време, или не. Не сум сигурен дека ќе го стори тоа“, рече Зеленски во интервју за Фокс њуз.
Тој нагласи дека не може точно да знае кои се намерите на рускиот претседател.
Свет
Пентагон: Подготвени сме во краток рок да испратиме дополнителна војска на Блискиот Исток
Aмериканскиот секретар за одбрана Лојд Остин ја овласти американската војска да го зајакне своето присуство на Блискиот Исток.
„Остин ја зголеми подготвеноста за дополнителни американски сили да се распоредат, за да можеме подобро да одговориме на различни непредвидени ситуации“, објави портпаролот на Пентагон, генерал-мајор Патрик Рајдер во соопштението.
„Остин јасно стави до знаење дека ако Иран или неговите сојузници го искористат овој момент за да го таргетираат американскиот персонал или интересите во регионот, САД ќе ги преземат сите неопходни мерки за одбрана на нашиот народ“, додаде тој.
Во соопштението на Пентагон се вели дека може да распореди сили на краток рок и дека САД се уште се фокусирани на заштита на американските граѓани и сили во регионот, одбрана на Израел и деескалација на ситуацијата.