Македонија
(Видео) Скапароти понуди помош за усогласување на стандардите до членството во НАТО
Ја имате нашата поддршка како идна членка во НАТО и сме благодарни за вашата посветеност за одржување на безбедноста и стабилноста во регионот. Ова го истакна врховниот командант на НАТО-силите за Европа, генерал Скапароти, на средбата со премиерот Зоран Заев.
Заев изрази благодарност за поканата за прием во Северноатлантскиот сојуз истакнувајќи дека оваа значајна одлука на сојузниците на НАТО покажува дека алијансата е силна и посветена на политиката на отворени врати.
Потенцирајќи дека поканата за членство во НАТО е историско достигнување и сатисфакција за напорната работа и верување на сите наши граѓани, институции, политички партии и граѓанското општество во целост, премиерот ја истакна широката поддршка од јавноста и сите етнички заедници за нашата аспирација.
Двајцата соговорници истакнаа дека членството во НАТО овозможува перспективна иднина за нашата земја и се согласија дека ќе има огромни позитивни ефекти за безбедноста и просперитетот и на поширокиот регион.
Врховниот командантот на НАТО-силите за Европа, американскиот генерал Скапароти, кој претходно со делегација на Министерството за одбрана и Армијата на Република Македонија, предводена од министерката за одбрана, Радмила Шекеринска, во касарната „Илинден“ присуствуваше на показна вежба, на премиерот Заев му упати пофални зборови за припадниците на АРМ оценувајќи дека тие покажале голема подготвеност и дисциплина соодветна на НАТО-стандардите и процедурите.
Пренесувајќи ја силната поддршка од алијансата, Скапароти искажа отвореност за соработка и помош доколку на Македонија во наредниот период ѝ е потребна за усогласување на неопходните политики и стандарди до конечното официјализирање на членството на земјата во НАТО.
На средбата беше истакнато дека потпишувањето на договорот помеѓу Македонија и Грција е позитивен пример за земјите од целиот регион на Југоисточна Европа во насока на решавање на отворените прашања за унапредување на добрососедските односи, што придонесува кон продлабочување на економската соработка и обезбедува напредок.

Заев потенцира дека посетата на високиот претставник на НАТО и поддршката што тој ја пренесува е посебна мотивација за македонските граѓани и за институциите на претстојниот референдум да ја покажат одлучноста за продолжување по патот кој обезбедува полноправно членство во Европската Унија и НАТО, фаза што нè води поблиску до гарантираната безбедност и сигурност во друштвото на земјите членки и сојузниците во НАТО, што отвора перспективи за дополнителен економски развој на нашата земја.
Премиерот додаде дека како идна членка на НАТО, Македонија е подготвена целосно да ги сподели должностите и одговорностите за зачувување на регионалниот и меѓународниот мир и стабилност.
На крајот од состанокот, генералот Скапароти го покани премиерот Заев да ја посети централната команда на НАТО во Монс, Белгија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нормализиран сообраќајот на ГП „Богородица“
Сообраќајот на граничниот премин „Богородица“ кон Грција (ГП „Евзони“) од 15:00 часот е нормализиран во двата правци, информира АМСМ.
Сообраќајот беше во прекин од 11:00 часот поради штрајк на земјоделците.
На ГП „Дојран“ има задржувања за влез во државата.
Македонија
Утре сончево време со температура до 15 степени
Утре во утринските часови ќе има појава на магла по котлините. Во текот на денот ќе биде претежно сончево и тивко, освен во југоисточните делови каде ќе дува слаб до умерен ветер од северозападен правец, информира УХМР.
Минималната температура ќе биде во интервал од -2 до 5, а максималната ќе достигне од 9 до 15 степени.
Во Скопје, претпладне во делови од котлината ќе има појава на слаба магла. Во текот на денот сончево со мала до умерена облачност. Ќе дува слаб северен ветер. Минималната температура ќе се спушти до 1, а максималната ќе достигне до 11 степени.
До крајот на неделата нашата држава ќе биде под влијание на висок воздушен притисок кој ќе услови стабилно и релативно топло време. По одделни котлини во претпладневните и ноќните часови ќе има појава на магла.
Македонија
(Фото) Колони возила чекаат влез во Македонија преку „Дојран“, „Богородица“ е затворен
Колони возила чекаат на граничниот премин „Дојран“ за влез во земјава. Претходно од АМСМ информираа дека од 11:00 часот сообраќајот на ГП „Евзони“ (Богородица) е блокиран за влез и излез поради штрајк на земјоделците.
На ГП „Ники“ (Меџитлија) сообраќајот е блокиран само за товарни возила и автобуси, информира АМСМ.
Според најновата информација од АМСМ, сообраќајот на ГП „Богородица“ (ГП Евзони) од 15 часот е нормализиран во двата правци.

На ГП „Дојран“ сообраќајот се одвива непречено, но поради зголемен интензитет има задржувања за влез во државата.

„Интензитетот на сообраќај на патните правци надвор од градските средини е умерен. На граничниот премин Дојран, времето на чекање за излез од државата изнесува 30 минути. На граничниот премин Табановце, времето на чекање за излез од државата изнесува 40 минути. На останатите гранични премини од македонска страна, нема подолги задржувања за влез и излез од државата“, информира АМСМ.

