Регион
Лондон и Берлин против корекција на границата меѓу Косово и Србија, САД умерени
Велика Британија смета дека повиците за корекција на границата меѓу Косово и Србија би можеле да бидат дестабилизирачки, Германија и понатаму на ставот дека поместувањето на границите е ризично, а САД имаат поумерен став по ова прашање, пренесува Радио Слободна Европа.
Како одговор за РСЕ, британската амбасада во Приштина наведе дека нормализацијата на односите меѓу Косово и Србија е пресудна за безбедноста, стабилноста и просперитетот на двете земји и на регионот. Како што се додава, британската влада верува дека тоа треба да биде основа за признавањето на независните и суверени држави во внатрешноста на актуелните граници.
„Сметаме дека повиците за корекција на националните граници може да бидат дестабилизирачки“, се наведува во одговорот.
Кај Германија нема промена на ставот по прашањето за границите, соопшти германската амбасада во Приштина. Официјалните лица во неколку наврати изјавија дека поделбата на Косово би можела да доведе до создавање потенцијални дестабилизирачки ефекти во регионот и пошироко поради што Германија категорично е против поделба.
Од друга страна, како што пренесува РСЕ, во недаменшниот одговор на Стејт департментот на прашањето за сè почесто споменуваната поделба и корекција на границата меѓу Србија и Косово се наведува дека САД силно го поддржуваат дијалогот меѓу Белград и Приштина со помош на ЕУ, но дека сега е време страните да бидат креативни и флексибилни.
„Решението мора да дојде од нив и да биде локално. Соединетите Американски Држави се подготвени да ги ислушаат и да им помогнат на страните во пронаоѓање на решението“, наведе Стејт департментот.
Косовскиот претседател Хашим Тачи во неколку наврати изјави дека во Брисел ќе биде претставена иницијатива за корекција на границите, што би подразбирало присоединување на Прешевската Долина кон Косово, а никако поделба, размена на територии или автономија за Србите. Причина за тоа, како што рече, е барањето на политичките лидери на Албанците од Прешевската Долина тој дел да се соедини кон Косово. Претседателот на Србија, Александар Вучиќ, изјави дека се согласува со разграничување со Албанците на Косово. Тој додаде дека не може да навлегува во детали за она што се преговара со косовските Албанци бидејќи на тој начин ќе ги отвори картите на Србија во преговорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.
Регион
Додик: Нема да ја почитувам одлуката на Уставниот суд
Српскиот лидер во Босна и Херцеговина, Милорад Додик, изјави дека нема да ја почитува одлуката на Уставниот суд на таа земја, кој го оспори изборниот закон за ентитетите и покрај тоа што неговата партија ќе учествува на претстојните локални избори, кои се одржуваат според одредбите на друг државен изборен закон.
„Изборниот закон на Република Српска е уставен и овој правен акт ќе се применува“, изјави Додик за Радио-телевизија на Република Српска реагирајќи на вчерашната одлука на Уставниот суд на Босна и Херцеговина.
Тој суд оцени дека со донесувањето на Изборниот закон на Република Српска е прекршен Уставот на Босна и Херцеговина. На овој начин се оспорува улогата на Централната изборна комисија на БиХ, која е задолжена за организирање и спроведување на изборите.
На ваков потег се одлучија откако високиот меѓународен претставник, Кристијан Шмит, наметна измени во Изборниот законик на Босна и Херцеговина.
Сепак, Додик тврди дека само ќе го почитува Изборниот законик за ентитетите бидејќи тој не бил оспорен од Уставниот суд на Република Српска. Но, државниот е.
И покрај приговорите и отфрлањето на одлуките на Уставниот суд на БиХ, кои властите на Република Српска ги нарекуваат скратени затоа што двајца српски судии не учествуваат во неговата работа, партиите на власт од тој ентитет сепак ќе учествуваат на претстојните локални избори организирани од државната Централна изборна комисија.
Овие избори ќе се одржат на 6 октомври, а ќе се изберат нови свикувања на градските и општинските совети и раководители на 141 општина и град.
Регион
Борел следната недела со лидерите на Западен Балкан
Високиот претставник на Европската Унија (ЕУ), Жозеп Борел, ќе приреди работен ручек за шестмина лидери од Западен Балкан следниот четврток во Њујорк на маргините на Генералното собрание на Обединетите нации, објавено е денеска на веб-страницата на ЕУ, пренесуваат медиумите во регионот.
Во соопштението се наведува дека висока делегација на Европската комисија ќе учествува на 79. сесија на Генералното собрание на ОН следната недела во Њујорк, а фокусот на ангажманот на ЕУ ќе биде ставен на решавање низа невидени конфликти и кризи околу светот.
Делегацијата на ЕУ ќе ја сочинуваат претседателката на Европската комисија, Урсула фон дер Лајен, извршната потпретседателка Маргарет Вестагер, високиот претставник Борел, потпретседателката Дубравка Шуица, како и комесарите Стела Киријакидес, Дидије Рејндерс, Илва Јохансон, Јанез Ленарчич, Јута Урпилаинен, Кадри Симсон и Вопке Хокестра.