Македонија
Суперанализата потврдила дека има ГМО во соините шницли на „Виталија“
Дополнителната анализа на соините трошки и соините шницли на „Виталија“ потврдила присуство на ГМО, информира Агенцијата за храна и ветеринарство. Суперанализата била направена во референтна лабораторија во Европската Унија, а се спровела пи барање на операторот со храна.
„Увезената соја е по потекло од компанијата ‘Сојапротеин’ од Бечеј, Република Србија, а мострите беа земени во рамките на мониторинг-програмата за безбедност на храната, која ја реализира Агенцијата за храна и ветеринарство. Во Република Македонија производите соини шницли се увезени од операторот со храна ‘Виталија’, а дистрибуирани во прометот преку операторот со храна ‘Кам’ ДОО Скопје. Увозот на соините трошки е извршен од страна на операторот со храна ‘Сопродекс’, а во прометот исто така биле дистрибуирани преку операторот со храна ‘Кам’ ДОО Скопје“, соопштија од Агнецијата за храна и ветеринарство.
Како што соопшти вчера и директорот на Агенцијата, Зоран Атанасов, соините шницли и соините трошки во количина од 510 килограми, дел затекнат во магацин, дел повлечен од продажба, се наоѓаат под официјален надзор и деновиве ќе бидат нештетно уништени исто како и позитивната мостра ориз во количина од 550 килограми по потекло од Кочанско, произведена од увозен семенски материјал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.