Македонија
Претставници од косовската власт во посета на општина Маврово-Ростуше
Денеска на третиот ден од временото отворање на граничниот премин „Стрезимир“ на македонско–косовската граница во посета на локалната власт на општина Маврово-Ростуше престојуваат пратеникот во Собранието на Косово, Адем Хоџа, и заменик-министерот за економски развој во Владата на Косово, Амза Борје.
Тие на средбата со градоначалникот на општината, Медат Куртовски, изразија задоволство од вчерашната посета на македонскиот министер за внатрешни работи, Оливер Спасовски, заедно со градоначалникот и жителите на Долна Река во селото Рестелица во Косово.
Посетата на министерот Спасовски и средбата со косовскиот министер за внатрешни работи, Бејтупш Гаши, вчера во Рестилица е оценета како мошне успешна и истата отвора нови можности за соработка на Македонија и Косово во пограничните региони.
Притоа е нагласено дека плодната соработка на пограничните региони ќе има и многу економски ефекти.
На средбата на Куртовски со пратеникот и заменикот-министер од Косово е оценето дека постојат добри услови за продлабочување на соработката на општина Маврово-Ростуше со општина Драгаш во Косово, и таа соработка ќе биде во интерес на локалните, но и на централните власти.
Од 18 до 20 август многу жители на општина Маврово-Ростуше ја посетија општината Драгаш и посебно селото Рестелица во регионот на Гора во Косово, а нагласен интерес за посета на општина Маврово-Ростуше имаше и од страна на жителите на населените места од Гора.
К.М
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.