Македонија
Здружението на сестри бара нови критериуми за заштита на коморното здружување
Унијата на ЗМСТАС на првата официјална средба со министерот за здравство, Венко Филипче, побара транспарентно овластување на комора. По информациите за самопрогласување на т.н. комора на сестрите, Унијата на ЗМСТАС се огласи и побара транспарентност во името на целата сестринска фела во Република Македонија.
Унијата преку своите претставници на 5000-то членство ги пренесе проблематикитe со кои секојдневно се соочува сестринската фела и побара што поскоро изнаоѓање соодветни решенија.
„Вакви неофицијални самопрогласувања на т.н комора се надвор од сите вистини, го знаеме тоа сите ние кои пред 11 години бевме дел од формирањето на истата. Таа никогаш не доби активност, ниту со членство, ниту, пак, по кој било друг основ. И како таква, за која се водеше и судска постапка, не може никогаш да има редовно годишно собрание. За сето ова си постојат докази, и од тука произлегува констатацијата дека се ова невистини и лаги. Унијата ќе го поддржи само правиот и транспарентен начин за да се формираме како што сака сестринската фела“ – изјави сестра Горданка Бешлиовска, претседател на ЗМСТАС – ЗА НАС и Унијата на ЗМСТАС.
Ставот за нетранспарентно и неосновано самопрогласување на т.н комора го делат и останатите членови и координатори на Унијата.
Бешлиовска побара од министерот да се додадат нови критериуми за заштитата во коморното здружување по кои ќе се доделува овластувањето за комора.
„Не може гласот на 5000-то членство да биде незабележан. Членството реагира на неофицијалните информации за самопрогласување на комора, и тоа со право. Бараме промена на Законот за здравствена заштита и додавање критериуми за заштита на коморното здружување. Комората треба да претставува здружување само на сестринските профили кое ќе биде транспарентно овластено. Со голема почит кон сите сродни струки, но реалноста е дека имаме различни организациони и образовни структури поради кои нашите аспирации се разликуваат“, вели Бешлиовска.
Меѓу другото било дискутирано и за проблематиките на „сестрите концесионери“ околу преквалификувањето во здравствените струки и честото губење на работното место како технолошки вишок, за кои Унијата минатиот период го извести преку официјален допис.
Министерот порача дека законот е веќе во својата завршна фаза и веќе наредниот четврток ќе влезе во собраниска процедура, и наскоро ќе може да се очекува разрешување на овие проблеми. Покрај законот за концесионерите, при разговорот со министерот во прв план беа ставени и основните проблематики на сестринството околу коефициентите на платите, непризнавањето на образование, измените на колективните договори… Во текот на идната недела се очекува втора официјална средба на Унијата со министерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..