Свет
Ќе се лансира нов сателит за мерење на брзината на ветрот
Европската вселенска агенција се подготвува да го лансира првиот сателит кој директно ќе ја мери брзината на ветрот во светот, а научниците се надеваат дека со тоа временските прогнози ќе бидат попрецизни.
The countdown starts today for the launch of the @ESA_EO #Aeolus mission – the first space mission to profile Earth’s winds. Liftoff is set for 23:20 CEST (21:20 GMT).
Join us for live coverage from 23:00 CEST (21:00 GMT) via https://t.co/POll6q6LHa pic.twitter.com/d9PQwMsVy5
— ESA (@esa) August 22, 2018
Сателитот „Еол”, именуван по богот на ветровите од грчката митологија, ќе биде пуштен вечерва преку ракетата Вега и од вселенската станица во Франција, Гвајана, јавува АП.
Се вели дека сателитот е опремен со лидар, систем за откривање базиран на радар кој користи светлосни импулси за откривање на движењето на фини честички во воздухот.
Собраните податоци може да се користат за пресметување на брзината на ветрот, што сега се прави од Земјата или со набљудување на облаците и брановите од авион и вселената.
Европската вселенска агенција објави дека мерењето на ветрот во реално време ќе придонесе за попрецизно предвидување на времето и климата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден ги нарече Индија и Јапонија „ксенофобични земји“: Не сакаат мигранти, а тие се она што не прави силни
Американскиот претседател Џозеф Бајден ги нарече Индија и Јапонија „ксенофобични земји“ затоа што не сакаат да примат мигранти.
Тој го рече ова за време на говорот на настанот за собирање средства за неговата изборна кампања, во средата навечер, на донаторска вечера пред публика составена претежно од Азиски Американци., пишуваат тамошните медиуми. Бајден рече дека претстојните избори во САД се за „слобода и демократија“ и дека економијата на земјата напредува поради нив и многу други, „бидејќи САД ги пречекуваат имигрантите“.
„Зошто Јапонија има економски проблеми? Зошто Индија? Затоа што се ксенофобични. Тие не сакаат мигранти, а тие се она што не прави силни, бидејќи имаме прилив на работници кои сакаат да бидат тука и сакаат да придонесат“, додаде американскиот претседател.
На овие зборови на Бајден досега не реагираа ниту јапонската ниту индиската влада.
Свет
Директорката на американското разузнавање: Русија напредува на бојното поле, но војната во Украина нема да заврши наскоро
Директорката на Националната разузнавачка служба на САД, Аврил Хејнс денеска оцени дека војната во Украина нема наскоро да заврши, а развојот на ситуацијата на домашен и меѓународен план е во корист на рускиот претседател Владимир Путин.
Хејнс пред Комитетот за вооружени служби на Сенатот изјави дека Русија ги интензивирала нападите врз украинската инфраструктура за да ја намали способноста на Киев да распоредува војници и оружје, да го забави военото производство и да ја принуди Украина да ги разгледа преговорите.
„Сè поагресивните тактики на Путин против Украина, како што се ударите врз енергетската инфраструктура на Украина, имаат за цел да создадат впечаток во Украина дека продолжувањето на борбата само ќе ја зголеми штетата за Украина и нема да понуди пат до победата“, рече Хејнс.
Говорејќи пред Комитетот за проценка на заканите на САД во 2024 година, таа рече дека „оваа агресивна тактика веројатно ќе продолжи“ и „војната нема да заврши наскоро“.
Хејнс изјави дека Русија напредува на бојното поле и дека нејзините сили наскоро би можеле да направат тактички пробив во Доњецк и Харков, пренесува Танјуг.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.