Американскиот претседател Доналд Трамп денес изјави дека падот на цените на енергијата би можел да изврши притисок врз рускиот претседател Владимир Путин да ја запре војната во Украина.

„Ако цените на енергијата се намалат доволно, Путин ќе престане да убива луѓе“, рече Трамп во интервју за Си-Ен-Ен.

Како што изјави, „ако цените на енергијата паднат, за уште 10 долари за барел, тој нема да има друг избор“ бидејќи неговата економија ќе биде во проблеми, објави Ројтерс.

Фото: принтскрин

Израелскиот премиер Бенјамин Нетанјаху ќе предложи целосна повторна окупација на Појасот Газа кога ќе се сретне со неговиот кабинет за безбедност, според израелските медиуми.

„Коцката е фрлена. Се движиме кон целосно освојување на Појасот Газа – и пораз на Хамас“, локалните новинари цитираа високиот функционер, пишува Би-Би-Си.

Одговарајќи на извештаите дека началникот на армијата и другите воени лидери се спротивставуваат на планот, неименуваниот функционер рече:

„Ако на началникот на Генералштабот не му се допаѓа, треба да поднесе оставка“, пренесува медиумот.

Семејствата на заложниците стравуваат дека ваквите планови би можеле да ги загрозат нивните најблиски, бидејќи се верува дека 20 од 50 се живи во Газа, додека анкетите покажуваат дека тројца од четворица Израелци се за договор за прекин на огнот, за да можат да се вратат.

Многу од блиските сојузници на Израел, исто така, би го осудиле таквиот потег додека се залагаат за крај на војната и акција за ублажување на хуманитарната криза, пишува Би-Би-Си.

Во Израел, стотици пензионирани израелски безбедносни службеници, вклучувајќи ги и поранешните шефови на разузнавачките агенции, објавија заедничко писмо до американскиот претседател Доналд Трамп во понеделникот, барајќи од него да изврши притисок врз Бенјамин Нетанјаху да ја прекине војната.

Еден од потписниците, поранешниот шеф на домашната разузнавачка агенција Ами Ајалон, изјави за Би-Би-Си дека понатамошните воени дејствија би биле залудни.

„Од воена гледна точка, [Хамас] е целосно уништен. Од друга страна, како идеологија, тој добива сè поголема моќ меѓу палестинскиот народ, на арапските улици околу нас, а исто така и во исламскиот свет. Значи, единствениот начин да се победи идеологијата на Хамас е да се претстави подобра иднина“, рече Ајалон.

Фото: принтскрин

„Русија повеќе нема никакви ограничувања за распоредување ракети со среден и краток дострел испукани од копнен базен систем“, изјави портпаролот на рускиот претседател, Дмитриј Песков, како што објави РИА Новости.

Со тоа тој ја потврди вчерашната објава на Министерството за надворешни работи на Русија. Вчера тие објавија дека Москва повеќе не го смета мораториумот за распоредување ракети со краток и среден дострел за обврзувачки.

„Во Русија повеќе нема никакви ограничувања по ова прашање. Русија повеќе не се смета за ограничена на кој било начин“, им рече Песков на новинарите, коментирајќи го нивното барање за изјава од руското Министерство за надворешни работи дека Руската Федерација не се смета за обврзана со едностран мораториум за распоредување ракети со среден дострел.

Фото: ЕПА