Свет
Британија мора да ја притисне ЕУ за Брегзит, вели Меј
Британија мора да ги зајакне односите со земјите-членки на Европската Унија ако сака да постигне договор за „Брегзит“, бидејќи преговорите се веќе навлезени во клучната, интензивна фаза, изјави премиерката на Велика Британија Тереза Меј, која се согласува со нејзините колеги по ова прашање.
Портпаролот на Меј пренесува дека за време на средбата на нејзиниот кабинет, министрите за надворешни работи изјавиле дека нејзините планови за Брегзит и напуштањето на Унијата биле примени „срдечно и позитивно“ за време на посетата на на Меј во Европските престолнини.
„Премиерката и министрите се согласни во врска со важноста на постојаната соработка со земјите-членки бидејќи преговорите веќе ја достигнаа онаа клучна и интензивна етапа,“ изјави портпаролот на Меј.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.
Свет
Земјотрес со јачина од 4,1 степени според Рихтер го погоди Лос Анџелес
Земјотрес со јачина од 4,1 степени според Рихтеровата скала вечерва го погоди поширокото подрачје на Лос Анџелес, соопшти Сеизмолошкиот институт на САД.
Земјотресот се случил во областа Корона, во близина на Лос Анџелес.
Земјотресот бил почувствуван во поширока област, западно до Лос Анџелес, Лонг Бич, округот Оринџ и Санта Кларита.