Регион
Триумф на одбраната на Младиќ – тројца хашки судии се изземени од случајот поради пристрасност

Меѓународниот суд во Хаг го усвои барањето на одбраната на Ратко Младиќ за изземање на тројца судии од апелацискиот совет кој ќе ја разгледува жалбата на Младиќ на првостепената пресуда со која е осуден на доживотен затвор за геноцид и злосторства против човештвото во Босна и Херцеговина.
Со одлуката на судијата Жан-Клод Антонети, од советот ќе бидат изземени Теодор Мерон, Кармел Агиус и Лиу Дакјун. Сите тројца се долгогодишни водечки судии во Хаг, а сите биле потпретседатели или претседатели на Трибуналот.
Со ваквата одлука, практично се прифатени аргументите на одбраната на Младиќ дека тројцата судии не се непристрасни затоа што учествувале во носење на пресуди во Хашкиот трибунал со кои подредените офицери на Младиќ се осудени за геноцид и други злосторства во Сребреница во јули 1995 година.
На нивно место се поставени судиите Емпарани Мами Ричард Раџонсон, Приска Матимба Нвамве и Гебердао Густаве Кам. Освен нив во апелацискиот совет се и судиите Сејмор Пантон и Елизабет Ибанда Нахамја.
Младиќ во ноември лани беше осуден на доживотна затворска казна поради геноцид во Сребреница, прогон на муслиманите и Хрватите ширум БиХ, тероризирање на населението на Сараево со долготрајно гранатирање и киднапирање на припадници на Унпрофор, во периодот од 1992 до 1995 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Претседателката на Хашкиот трибунал: Ратко Младиќ добива медицинска нега на високо ниво

Претседателката на Меѓународниот кривичен трибунал во Хаг, Грасиела Гати Сантана, денес пред Советот за безбедност на ОН во Њујорк изјави дека генералот Ратко Младиќ добива медицинска нега на „високо ниво“ во притвор.
Младиќ отслужува доживотна казна затвор за геноцидот во Сребреница и воените злосторства против муслиманите и Хрватите за време на војната во Босна и Херцеговина од 1992 до 1995 година.
Поднесувајќи го својот редовен извештај за работата на Трибуналот, Сантана ги информираше земјите-членки на Советот за безбедност дека одбраната на Младиќ неодамна побарала тој да биде ослободен од хуманитарни причини поради неговата неизлечива болест.
Регион
Син до смрт ја претепал мајка си во Никшиќ: ја удирал жената по главата, нозете и рацете

Службеници на Одделот за безбедност во Никшиќ го уапсиле С.Г. (59) поради сомнение дека ѝ нанел тешки телесни повреди на својата мајка М.Г. во семејниот стан во Никшиќ. (85), како резултат на што таа починала.
– На 10 јуни 2025 година, дежурната полициска служба била известена од персоналот на Општата болница во Никшиќ дека кај нив е донесена жена со повреди на главата. М.Г. веднаш била префрлена во Клиничкиот центар на Црна Гора, каде што починала денес, пренесува Рина“изјава од полицијата.
За случајот веднаш бил известен државниот обвинител на Вишото државно обвинителство во Подгорица, кој наредил да се спроведе истрага во станот каде што живееле заедно мајката и синот.
Полицијата утврдила дека С.Г. ѝ нанел повеќекратни повреди на рацете, нозете и главата на мајката. Лекарите ги окарактеризираа повредите како тешки, опасни по живот.
За новите околности бил информиран надлежниот обвинител, кој утврдил дека овој случај содржи елементи на кривично дело – тешко убиство. С.Г. бил уапсен по наредба на обвинителот.
Обвинителот наредил и обдукција на телото на починатата, која ќе се изврши во текот на денот.
Регион
Ученик од седмо одделение приведен во Србија: донел нож и список за отстрел во училиште

Ученик од основното училиште „Јован Стерија Поповиќ“ во Нов Белград е однесен во полиција на разговор, објави српски Блиц.
Се сомнева дека вчера во училиштето донел список за убивање и нож.
Момчето е испрашувано од полицијата по наредба на Вишото јавно обвинителство во Белград, а се вели дека станува збор за ученик во седмо одделение.
Сите околности на инцидентот сè уште се утврдуваат, а деталите не се познати.