Македонија
Османи: ИПА-средствата се показател за европската солидарност и поттик за нашите интеграции
Вицепремиерот задолжен за европски прашања, Бујар Османи, заедно со министерот за образование, Арбер Адеми, остварија посета на средното училиште „Исмет Јашари“ во Липково.
Како што информираат од Владата, при посетата бил остварен увид на искористеноста на проекти што се изградени со донација на ИПА-средства од страна на Европската Унија.
„Средното училиште ‘Исмет Јашари’ е добар пример како од повеќе извори е обезбедена соодветна странска помош, и со условно мала интервенција од буџетот, успешно е реализиран овој проект за изградба на главниот објект на средното училиште“, изјави Османи.
Вицепремиерот посочил и на другите проекти што се реализирани во општината.
„Еден од поважните примери за успешна реализација на ИПА-средствата во оваа општина претставува и граничниот премин Бељановце-Станчич, за чија реализација, која е во тек, се одвоени еден милион и 200 илјади евра, т.е. по 600 илјади евра ИПА-средства од фондовите за прекугранична соработка меѓу двете земји, од Македонија и Косово“, истакна Османи, посочувајќи притоа дека се работи за грант неповратни средства, или странска помош.
„Тоа не се заеми што треба да ги враќаме туку пари на даночните обврзници на земјите донатори, и сметаат дека овие средства ќе имаат поважна намена во Република Македонија, што претставува суштинска солидарност и европска вредност како дополнителен поттик за нашите европски интеграции“, истакна Османи.
На крајот, Османи укажа и на повикот за аплицирање за проекти за прекугранична соработка помеѓу Македонија и Косово, кој е отворен до 1 ноември годинава. Преку овој повик треба да се реализираат проекти во висина од 175 до 350 илјади евра, кои се достапни за општините, училиштата, младински, туристички и културни асоцијации, невладини организации итн.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Нови канцеларии на Левица во Могила и Росоман
Претседателот на Левица, Димитар Апасиев, и Носителот на ИЕ4, Сашко Јанчев, вчера присуствуваа на отворање на две нови канцеларии на локални ограноци на Левица во општина Могила и општина Росоман.
„Народот сè повеќе ги препознава идеологијата и вредностите на Левица, изградени на темелите на нашите предци кои го дале животот за Македонија и на кои почиваат вистината, праведноста и еднаквоста“, велат од Левица.
Претседателот на Левица, Апасиев, како и носителот Јанчев, во своите говори нагласија дека ова е историски момент пресуден за зачувување на интегритетот на Македонија.
„Постојаниот раст на партијата е доказ дека народот ги препознава АСНОМ-ската идеологија и бескомпромисноста на Левица, како нова идеја чие време допрва доаѓа!“, се додава во соопштението на Левица.
Македонија
Постапката за екстрадиција на Палчо ќе биде спроведена преку МВР, на осомничениот веќе му е определен притвор
Јавното обвинителство на Република Северна Македонија е известено дека Министерството за правда добило официјална информација од Република Турција дека се одобрува екстрадицијата на лице осомничено за две кривични дела грабнување, како и за две убиства на свиреп начин.
Постапката за екстрадиција ќе биде спроведена преку Министерството за внатрешни работи.
По предлог на Основното јавно обвинителство Скопје на осомничениот веќе му е определена мерка притвор која треба да започне да се применува веднаш по неговото испорачување, се додава во соопштението на Јавното обвинителство на Република Северна Македонија.
Македонија
Дозволена екстрадицијата на Љупчо Палевски Палчо
Министерството за правда преку писмено соопштение информираше дека е добиено официјално известување дека екстрадицијата на Љупчо Палевски е дозволена.
Претходно министерот за правда Кренар Лога на социјалните мрежи потврди дека е дозволена екстрадиција на Палевски.
„Ве информирам дека денес со официјална информација од Република Турција добивме одобрение за екстрадиција на лицето Љупчо Палевски. Позитивниот исход на постапката произлегува после сите максимално преземени мерки и активности од делокругот на надлежности на Министерството за правда.“
Љупчо Палевски е осомничен за убиствата на 14-годишната Вања Ѓорчевска и велешанецот Панчо Жежовски.