Македонија
(Видео) Македонија слави 27 години самостојност, oтпочнаа активностите за прослава на Денот на независноста
Со положување свежо цвеќе на вечните почивалишта на претседателите Киро Глигоров и Борис Трајковски, на градските гробишта Бутел, и на споменикот на Ослободителите на Скопје, во дворот на Владата на Република Македонија, како и со посетата на спомен домот, родната куќа на родоначалникот на современиот македонски јазик Блаже Конески во Небрегово, прилепско, денеска отпочнаа владините програмски активности во рамките на одбележувањето на празникот „Ден на независноста на Република Македонија – 8 Септември“, соопштуваат од Владата.
На Градските гробишта Бутел, на вечните почивалишта на претседателите на државата Киро Глигоров и Борис Трајковски, венци со свежо цвеќе положи и почит кон споменот на претседателите оддаде владина делегација предводена од Претседателот на Владата, Зоран Заев, во придружба на Заменик претседателот во Владата, задолжен за европски прашања, Бујар Османи, и Зорица Апостолска, министеркa без ресор задолжена за странски инвестиции.
Владина делегација во состав Мила Царовска, министерка за труд и социјална политика, Рената Дескоска, министерка за правда, и Аднан Кахил, министер без ресор задолжена за странски инвестиции, пак, положи свежо цвеќе на споменикот на Ослободителите на Скопје, во дворот на Владата.
Покрај владините, венци со свежо цвеќе положија и многубројни други делегации како на Претседателот на Република Македонија, на Собранието на Република Македонија, на АРМ, на Сојузот на борците, на дипломатскиот кор, како и на општествени институции и организации и политички партии.
Делегација на Владата на Република Македонија составена од министерот за култура Асаф Адеми, министерот за транспорт и врски Горан Сугарески, и од заменик министерот за локална самоуправа Дејан Павлески, со посетата на спомен домот, родната куќа на Блаже Конески во Небрегово, прилепско, му оддаде почит на родоначалникот на современиот македонски јазик, се додава во владиното соопштение.
Централната свеченост по повод одбележувањето на Денот на независноста продолжува вечерва со културно-забавна програма во дворот на владата, во рамките на на која свое обраќање ќе има и премиерот Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Деспотовски: Оние кои ќе изгубат на изборот за претседател на СДСМ да се обврзат дека нема да прифаќаат функции
Јован Деспотовски кој ја објави својата кандидатура за претседател на СДСМ, предлага секој од кандитатите кој нема да биде избран, да се обврзе дека нема да прифати ниту една друга партиска функција на централно, ниту на локално ниво.
Неприфаќањето се однесува и за позиции во институциите каде партијата назначува свои членови. Тој ги повика сите претседателски кандидати да ја покажат својата посветеност на фер игра и интегритет со потпишување на оваа изјава.
Според него, учеството во трката за претседател на СДСМ не смее да се гледа како шанса за стекнување на капитал, што потоа ќе се „пазари“ за подобра позиција во партијата.
Деспотовски додава дека претседателот на СДСМ мора да биде одговорен кон членовите, а не кон различни структури и лоби групи.
„Верувам дека само со вакви конкретни и искрени постапки ќе покажеме дека навистина сме ја разбрале пораката и можеме да ја реформираме нашата партија и да поставиме нов стандард за политичко однесување“, рече Деспотовски.
Партискиот тим, како што додава, мора да биде поставен по вертикала од членовите бидејќи секоја внатрепартиски натпревар значи успех и движење по скалило, а не возење по хоризонтален пат.
Македонија
(Видео) Стоилковски за Хирургија: Демири и Манолева да одговорат дали за 120.000 евра сиот здравстен систем е колабиран
Министерот Демири и заменик министерката Манолева да одговорат дали се работи за 120.000 евра санација за цела Хирургија и дали за 120.000 евра сиот здравстен систем е колабиран, праша портпаролот на ВМРО-ДПМНЕ, Наум Стоилковски.
„Доколку некаде ја видите д-р. Маја Манолева од СДС, потсетете ја дека е заменик министер за здравство! И прашајте ја дали е ова „нема откажување од иднината“ за кое водеше кампања два месеци? Или дали семејните бизниси, од приватно здравство до трговија со струја се поважни во моментов од Хирургија и колапсот на здравствениот систем? Д-р. Маја Манолева, заменик министер и потпретседател на лекарската комора, никаде ја нема. И уште едно прашање, дали таа ветува заштита на оние 12 директори кои функционираат на Хирургија и молчат пред проблемите?“, праша Стоилковски.
Како што рече, здравството тоне, проблемот со Хирургија и уште повеќе немањето волја брзо да се реши не може да се исклучи од аспектот за намерно рушење, односно мини државен удар во здравството.
Праша дали СДС/ДУИ свесно креираа проблем којшто го уништи столбот на терцијалното здравство, Хирургија, 12 оддели се исклучени, а нив никаде ги нема, вклучително и директорите, вклучително и оние Заеднички служби, вклучително и економскиот директор и администраторите кои заминаа на Азурен брег.
Додаде дека 12-те директори на оддели кои функционираат на Хирургија се уште немаат доблест да излезат во јавност и да проговорат за проблемите и за тоа колку пациенти со тешка медицинска состојба се оставени на чекање.
Македонија
Мицотакис очекува Мицкоски да користи Северна, прашањето ќе го покрене на Самитот на НАТО
Грчкоит премиер, Киријакос Мицотакис, очекува мандатарот за премиер на јасен и категоричен начин да изјави дека го почитува Договорот од Преспа.
„Очекувам мандатарот да каже дека името на неговата земја е Северна Македонија, ерга омнес и за внатрешна и за надворешна употреба“ рече Мицотакис, додавајќи дека прашањето ќе го покрене и на Самитот на НАТО на 9-11 јули.
„Очекувам логиката да надвладее“, рече Мицотакис, пренесуваат грчките медиуми.
Тој порача до раководството во новата Влада, да не го доведува во опасност европскиот тек, кој Грција го има поддржано.
Мицотакис повтори дека Договорот има негативни работи и за Грција, но, како што рече, една од важните димензии е името кое не може во пракса да се оспори од никој.
По тоа прашање, Мицотакис рече дека Грција има поддршка од ЕУ и САД, а Скопје е изолирано.