Македонија
Училиштето „Димитар Влахов“ ќе ја добие првата сензорна градина
Првата сензорна градина во Македонија ќе биде отворена во училиштето за деца и младинци со оштетен вид „Димитар Влахов“ од Скопје. Сензорната градина, која се наоѓа на отворен простор, ќе го унапреди наставниот процес, а ќе им помогне дополнително на наставниците и учениците во наставниот процес.
Проектот е инициран од Американската стопанска комора во Македонија – AmCham, а цементарницата „Усје“ е една од компаниите што го поддржаа. На денот на одбележувањето на Денот на независноста на Република Македонија – 8 Септември, AmCham во присуство на американскиот амбасадор Џес Бејли, заедно со сопругата и претставници на бизнис-секторот, помагајќи ја последната фаза од реализацијата на овој проект, засади 25 садници што ги донира „Усје“.
Градините од ваков тип се безбеден простор за лицата со оштетен вид и се користат за да ги вежбаат своите физички вештини кои им се потребни во секојдневието: одење по нерамна земја и други материјали, како песок и камен, допирање и мирисање, преку кои се препознаваат разни растенија, материјали и текстури, а истовремено се работи и со слух, со цел полесно да се идентификуваат и разликуваат секојдневните звуци.
„Нашата заложба да бидеме дел од проекти од јавен интерес е континуирана и е дел од нашето секојдневно работење. Се гордееме што сме дел од овој проект бидејќи тоа за нас не е прашање само на добра волја, тук наша обврска. ‘Усје’ веќе неколку години по ред континуирано ги поддржува училиштата и се надеваме дека ќе продолжиме во истиот правец“, изјави Борис Хрисафов, главен извршен директор на цементарницата „Усје“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.