Свет
Матео Салвини: „Брисел го разбира само јазикот на парите, не на вредностите”
Бирократите на ЕУ не се заинтересирани за вредности и за принципи, изјави за „Раша тудеј“ вицепремиерот на Италија, Матео Салвини. Тој исто така рече дека нациите како Франција имаат хипокритички став кога ја критикуваат миграциската политика на Италија. Италија нема да гласа за следниот седумгодишен буџет на ЕУ ако нема договор за другите клучни прашања, како што е миграцијата.
„За жал, во Брисел и во Европа го разбираат само јазикот на парите. Затоа, не зборуваат за принципи, вредности, солидарност – туку за економски прашања“.
Италијанската влада добила остри критики поради залагањето за посилна контрола на границата и за спречувањето мигрантските бродови да влезат во нејзините пристаништа. Минатиот месец Италија го одби хуманитарниот брод „Аквариус“ со повеќе од 600 мигранти од Африка, кој потоа мораше да се закотви во Шпанија. Одлуката на Италија беше жестоко осудена од францускиот претседател Емануел Макрон, кој рече дека Италија не е под ист миграциски притисок како минатата година. Салвини ги отфрли критиките обвинувајќи го за хипокризија.
„Другите европски земји – како Франција – ги затвораат границите и враќат 50.000 луѓе, а потоа се обидуваат да ни држат предавања“, рече Салвини додавајќи дека спасувачките бродови на невладините организации ја влошуваат кризата. „Постојат некои меѓународни мисии кои само во Италија доведоа десетици илјади мигранти“.
Ставот на Рим ги поттикна некои официјални претставници и политичари на ЕУ да ја означат Италија како опасна. Комесарот за буџет на ЕУ, Гинтер Отингер, минатата недела рече дека владите како онаа во Италија сакаат да го ослабат или дури и да го уништат европскиот проект. Салвини ги отфрли таквите тврдења и вели дека и покрај жестоката критика на миграциската политика на ЕУ, тој не се согласува дека неговата земја е управувана од анти-ЕУ влада.
„Јас не сум против Европа. Јас сум за Европа која прави малку работи, но ги прави добро – оставајќи слобода на избор на други фронтови за одделни држави.
Италија беше една од земјите што беа најтешко погодени кога избувна миграциската криза во 2014 година. Илјадници Африканци пристигнаа во земјата кога го преминаа Медитеранот, а Рим се чувствуваше напуштен од своите европски партнери.
„Оваа Европа не покажува солидарност, а Италија останува сама да се справи со миграциските бранови“, премиерот Џузепе Конте се жалеше во јуни.
Како одговор на тоа Европската комисија понуди да ѝ плати Италија по 6.000 евра за секој примен мигрант – идеја што Рим категорично ја отфрли.
„На Италија не ѝ е потребна милостина,“ рече Салвини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.