Македонија
(Видео) Заев пред Европскиот парламент: Ова е најдобрата шанса што сме ја добиле досега
Премиерот Зоран Заев во обраќање пред пратениците во Европскиот парламент истакна дека Македонија е исправена пред одлука што не е лесна, но се работи за најдобрата шанса што земјата ја добила досега.
„Ќе бидеме Република Северна Македонија, со признаен македонски народ и јазик. Ова е најдобрата шанса што нашата земја ја добила досега. Нема да ја пропуштиме шансата зашто таа е нашиот билет за ЕУ и НАТО. Перспективата за членство во ЕУ е движечка сила за успешно справување со предизвиците и исполнувањето на реформите“, рече Заев во обраќањето.
Говорејќи за стандардите на ЕУ, премиерот посочи дека Македонија е подготвена да ги испорача и дека нема да се откаже од визиите за подобра иднина. Токму таа верба, како што рече Заев, била мотив за да се склучат договорите со Грција и Бугарија.
„Вербата во европската иднина беше клучен мотив за договорите со Грција и Бугарија, се гордееме со постигнатото. Ние секојднево го живееме европското мото – обединети во различностите. Политичката криза низ која поминавме беше борба за либералните вредности. Нашите граѓани го направија изборот. Сакаме да бидеме инспирација за решавање на сите отворени прашања на Западен Балкан. Веруваме дека имаме добар достоинствен договор. Договорот од Преспа е одличен модел за решавање чувствителни прашања и може да се употреби во други делови од светот. На граѓаните е да одлучат дали ќе го премостат прагот на иднината“, истакна Заев.
Во таа насока премиерот изрази надеж дека референдумот ќе биде успешен, а Македонија ќе стане 30-та членка на НАТО и ќе ги затвори поглавјата за членството во Унијата.
Заев истакна дека првпат на македонски премиер му е дадена шанса да зборува на македонски јазик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, општина Илинден во координација со екипите на ДТУ ТОКСИ ВЕТ– Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување на вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно по здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и култура е рециклирање и рекреирање на веќе постоечкото. Колку понапредни општествата – толку повеќе се рециклира, се води сметка за животната околина и сè погласна и популарна е “second hand” модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во Јавна соба, под слоганот “Second hand е подобро од ново” започнува Базарот каде што посетителите можат да си набават добро сочувано парче гардероба, чевли, накит, книга или можеби некоја играчка. Ќе има бројни штандови со разноразни парчиња кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– Заштеда на пари
– Помагање на животната средина и зачувување на природните ресурси
– Поддржувате локален и мал бизнис
– Развивате уникатен стил
– Имате чувство како да сте во потрага по богатство