Свет
Објавено контроверзно видео од Вајнштајн, жртвата тврди дека е снимено пред да ја силува
Американка која тврди дека е една од жртвите на холивудскиот продуцент Харви Вајнштајн, Мелиса Томпсон, сподели видео на кое се гледа како тој ѝ се додворува и ја допира за време на деловен состанок. Видеото е направено, како што вели таа, неколку часа пред да ја силува во хотелска соба.
Мелиса се сретнала со Вајнштајн во неговата канцеларија. На видеото се гледа како познатиот продуцент постојано ѝ се додворува, а таа се обидува да го избегне неговото флертување. Мелиса во интервју за „Скај њуз“ раскажа дека не знаела како да се справи со ситуацијата.
На самиот почеток на состанокот се гледа дека Мелиса му пружа рака да се поздрави, но тој ја прегрнува и ја гали по грбот.
„Си помислив ‘Добро, ме прегрнува, сега што да правам’?“, вели Мелиса. На прашање на новинарката дали му дала причина на Вајнштајн да се однесува така кон неа, Мелиса вели: „Првин се обидував да одговорам на неговите коментари. Сега гледам дека тој се обидува на секој начин да ме тргне од сигурната зона за да се почувствувам ранливо и да препознаам дека тој ја има моќта, а не јас“.
Таа во интервјуто вели дека на состанокот ѝ ја ставил раката под фустанот и дека во еден момент му рекла дека претерува и дека ја галел по рамото. „Како стигнав до таму? Тоа ми се вртеше во главата и само мислев како да се извадам од таа ситуација. Во одреден момент неговото однесување се менуваше, очите му стануваа мрачни“, вели Мелиса.
На прашањето дали оние што ќе ја гледаат снимката ќе си помислат дека таа сакала да флертува со него, Мелиса вели:
„Тоа е многу покомпликувано од што изгледа. Мислев дека можам да се справам со ситуацијата, да ја контролирам“.
На снимката се гледа како Вајнштајн ја кани на пијалак во 17 часот, а Мелиса прифаќа. Таа вели дека мислела оти е на сигурно и дека ќе се сретнат на јавно место. „Во лобито од хотелот само ми рече: ‘Дојди со мене’, раскажува Мелиса. Таа вели дека мислела оти ќе одат во конфернециска сала на состанок за да склучат договор и дека не ни сонувала оти ќе се најде во неговата соба, во која, како што тврди, ја силувал.
Вајнштајн е соочен со тешки обвиненија за силувања, а истрагата сè уште трае. Доколку биде прогласен за виновен, може да биде осуден на 25 години затвор. Тој ги негира обвиненијата. Мелиса е една од трите жени што поведоа судска постапка против него оваа година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Хаос на првомајскиот протест во Истанбул: Летаa камења, уапсени 210 лица
Бројот на приведени граѓани за време на првомајскиот протест во Истанбул се зголеми на 210, изјави турскиот министер за внатрешни работи Али Јерликаја.
„Приведени се 210 лица кои не ги послушаа предупредувањата и се обидоа да одат на плоштадот Таксим и ги нападнаа нашите полицајци на Денот на трудот и солидарноста, 1 мај во Истанбул“, напиша министерот на платформата „Икс“
Како што јави ТВ каналот ТРТ Хабер, 28 полицајци се повредени кога учесниците на собирот ги нападнале со камења и стапови со знамиња.
На повредените полицајци им била укажана помош во градските болници.
Турската полиција денеска приведе група луѓе кои се обидоа да протестираат на плоштадот Таксим и покрај забраната на владата за првомајски собири, а на неколку претставници на синдикатите им беше дозволен пристап до споменикот на тој плоштад посветен на жртвите од инцидентот на 1 мај 1977 година. кога напаѓач отворил оган кон демонстрантите собрани на тоа место.
Свет
Во Казахстан онлајн се следи судењето на министерот кој до смрт ја претепа сопругата во ресторан
Судењето за убиство на поранешен висок политичар во Казахстан обвинет за претепување на неговата сопруга до смрт го привлече националното внимание и поттикна повици за нова легислатива за справување со семејното насилство. Убиството се случи во ноември минатата година.
За време на судењето на веб-страницата на судот беше прикажано шокантно видео на кое се гледа како казахстанскиот бизнисмен и поранешен министер за економија Куандик Бишимбаев (44) ја тепа својата сопруга во семеен ресторан, пишува „Скај њуз“.
Случајот ја шокираше јавноста бидејќи десетици илјади луѓе потпишаа петиција со која бараат нови закони што ќе спречат вакви случаи во иднина.
Судењето на Бишимбаев е прво во земјата што било емитувано онлајн – што го прави лесно достапно за 19 милиони луѓе во Казахстан. Поранешниот министер веќе беше познат бидејќи во 2018 година беше во затвор поради примање мито. Доби десетгодишна затворска казна, но беше помилуван, па помалку од две години беше зад решетки.
Бишимбаев е обвинет за мачење и убиство на својата сопруга по нејзината смрт во ноември минатата година. Тој со недели тврдеше дека е невин, но минатиот месец пред судот призна дека ја претепал и и’ предизвикал смрт, пишува „Скај њуз“
Неговата сопруга Салтанат Нукенова (31) беше пронајдена мртва во ноември минатата година во ресторан во сопственост на роднина на нејзиниот сопруг.
На вознемирувачко видео од видео надзор се гледа како обвинетиот, татко на четири деца, ја влече својата сопруга за коса, а потоа ја удира со раце и нозе. Жената починала од повреда на мозокот.
Адвокатите на Бишимбаев првично ги оспоруваа медицинските докази кои покажуваат дека Нукенова починала од повеќекратни удари во главата. Таа, исто така, беше прикажана како склона кон љубомора и насилство, иако ниту една од снимките од безбедносните камери на ресторанот прикажани на суд не покажа дека таа го напаѓа сопругот, пренесува Скај.
Според студијата од 2018 година поддржана од UN Women, околу 400 жени годишно умираат како резултат на семејно насилство во Казахстан, иако многу од нив остануваат непријавени.
Свет
Велика Британија почнува да го спроведува планот за депортирање на мигрантите во Руанда
Британските власти почнаа да ги задржуваат мигрантите за да ги подготват за депортација во Руанда во следните девет до 11 недели, објави владата, поставувајќи ја основата за водечката имиграциска политика на премиерот Риши Сунак.
Парламентот во април го одобри законот кој го отвора патот за испраќање на барателите на азил во Руанда доколку останат во Британија без дозвола, а Сунак сака првите летови за Руанда да полетаат веќе во јули.
Владата верува дека оваа политика ќе ги одврати луѓето од опасното патување преку Ла Манш
Досега оваа година повеќе од 7.500 мигранти пристигнале во Англија со брод од Франција. Владата верува дека оваа политика ќе ги одврати луѓето од опасното патување преку Ла Манш. Минатата недела, на пример, пет лица загинаа обидувајќи се да го преминат опасниот канал.
Добротворните организации за човекови права и синдикатите кои се противат на политиката се очекува да започнат нови правни потези за да спречат авионите да полетаат во Руанда, откако Врховниот суд на ОК минатата година ја прогласи политиката за незаконска.
Портпаролот на организацијата рече дека нивната линија за помош примила повици од „неколку десетици луѓе“ кои сè уште не знаат кој е одреден за депортација во првите летови или кога тие ќе почнат да се спроведуваат.