Црна хроника
Кривична за жител на Студеничани поради шверц на мигранти
Регионалниот центар за гранични работи „Југ“ до Основното јавно обвинителство Скопје поднесе кривична пријава против 35-годишник од скопското село Студеничани поради сомнение за сторено кривично дело шверцување мигранти.
Како што информираат од МВР, на 11 септември во Гевгелија на истоимениот булевар било сопрено патничко моторно возило „бмв“, управувано од 35-годишниот В.Ф., кој се обидел да го напушти местото на настанот, но од страна на полицајците бил навреме фатен и уапсен.
При проверка во возилото пронајдени биле 10 лица, илегални мигранти на возраст од 16 до 35 години од Пакистан и Авганистан. Пријавениот лицата ги превезувал од гевгелиското село Негорци со намера да ги одведе до српската граница.
Од страна на судија за претходна постапка на пријавениот му е определена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.