Црна хроника
Таксист нападнат пред поликлиниката „Бит-пазар“
Четириесет и едногодишен таксист од Сарај бил физички нападнат од повеќе непознати лица синоќа пред поликлиниката „Бит-пазар“.
„Додека чекал на такси-станица со своето возило ‘мерцедес’ со скопски регистарски ознаки, му се доближиле повеќе непознати лица, кои по кратка вербална расправија физички го нападнале. Потоа, С.С. со возило на Итна медицинска помош бил пренесен во Градската општа болница ‘Свети Наум Охридски’ каде му биле констатирани тешки телесни повреди и му била укажана лекарска помош“, соопшти МВР.
Увид на местото извршила увидна екипа од Полициската станица Бит-пазар, при што биле пронајдени траги од крв, еден нож и една рамка од пиштол со 15 куршуми непознат калибар. Се преземаат мерки за пронаоѓање на сторителите и за целосно расчистување на случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Исчезна 14-годишно девојче од Скопје, случајот го пријавила мајката
Вчера во 20.45 часот во Полициското одделение Шуто Оризари, 44-годишната С.А. од Скопје пријавила дека од семејниот дом се оддалечила нејзината ќерка, 14-годишната С.А. од Скопје, која и претходно се оддалечувала од домот и била враќана.
Се преземаат мерки за пронаоѓање на лицето.
Црна хроника
Исчезна малолетник од Кочани, можно е 16-годишникот да се наоѓа кај пријателка во Берово
Вчера во 13.30 часот во Полициската станица Кочани, 53-годишната В.Т. од Кочани пријавила дека од домот се оддалечил нејзиниот син, 16-годишниот М.Т. од Кочани, извести МВР.
Според пријавеното, можно е малолетникот да се наоѓа кај негова пријателка во Берово. Се преземаат мерки за пронаоѓање на лицето.
Црна хроника
Пожар во куќа во Кичево, нема повредени лица
Денеска во 00.35 часот во Полициската станица Кичево било пријавено дека на улицата „Јордан Пиперката“ во Кичево настанал пожар на затворен балконски простор на вториот кат од куќата сопственост на 69-годишниот Б.П. од Кичево.
Од екипа на Територијалната противпожарна единица Кичево пожарот бил изгаснат, а повредени лица нема, извести МВР.
Извршен бил увид од увидна екипа од ОВР Кичево.