Македонија
НВО „Зелен институт“ одржа јавна дебата во Општина Кисела Вода

Во просториите на Општина Кисела Вода во организација на НВО „Зелен институт“ денеска се одржа јавна дебата на тема: „План за комуникација и кампања против диво депонирање отпад“.
На оваа дебата, која беше поддржана од страна на градоначалникот на општина Кисела Вода, Филип Темелковски, граѓани, претставници од државни институции, како и членови од невладините организации и здруженија имаа можност пред градоначалникот да даваат предлози и идеи за изнаоѓање решенија за проблемот со отпадот/дивите депонии на територијата на општината. Присутни на дебатата беа и вработени во Општината.
Градоначалникот Темелковски во своето обраќање до јавноста информира за тоа како Општината се справува со дивите депонии, како и за мерките што се преземаат за спречување на создавањето депонии. Темелковски нагласи дека заедно со граѓаните, граѓанските здруженија и невладините организации Општината ќе работи за изнаоѓање решение за овој проблем. Градоначалникот Темелковски најави дека Општина Кисела Вода на местата каде што постојат депонии ќе се засади садници. Покрај ова, градоначалникот информира дека на почетокот на октомври на територијата на општина Кисела Вода ќе засадат 2.000 садници/дрвца.
Пред присутните свое обраќање имаше и Наташа Амдиу, претседател на НВО „Зелен институт“, која говореше за причините за создавање и препораки за санирање на дивите депонии. Амдиу нагласи дека нивната цел е да се мапираат повеќе диви депонии, да се дискутира со граѓаните и да се чујат нивните предлози за изнаоѓање решение на проблемот со дивите депонии. Покрај ова, свое обраќање на оваа дебата имаше и Христина Оџаклиеска, член на Советот на Општина Кисела Вода.
На крајот од оваа дебата сите присутни се согласија дека во иднина треба заеднички и активно да се работи за подигнување на јавната свест кај граѓаните сè со цел подобрување на животната средина.
Овој настан, покрај поддршката од локалната самоуправа, беше поддржан и од Министерството за животна средина и просторно планирање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.