Свет
Американски хирург и неговата девојка обвинети за дрогирање и силување жени
Познат хирург од Њупорт Бич, Калифорнија, и неговата девојка се уапсени за дрогирање и силување на две жени. Но, тоа би можело да биде само почеток на истрагата бидејќи калифорниските власти веруваат дека вистинскиот број на нивните жртви би можел да биде далеку поголем.
Грант Вилијам Робишо (38) и Цериса Лаура Рајли (31) се обвинети за силување со помош на дрога, орален секс со користење анестезија или контролирани супстанци, напад со намера за извршување сексуален напад, поседување контролирани супстанци за продажба и нелегално поседување огнено оружје.
Главната причина поради која инспекторите се сомневаат дека нивните жртви се само две во подолга низа е она што го пронашле во мобилниот телефон на Робишо – стотици слики на жени во несвест, кои очигледно не биле во можност да дадат согласност за секс, пренесе Си-ен-ен.
„Врз основа на овие докази, веруваме дека постојат многу неидентификувани жртви“, рече окружниот јавен обвинител, Тони Ракукас. Иако биле пронајдени повеќе од 1 000 снимки, Ракукас не кажал дали на нив биле исти или различни жени. На снимките, исто така, се гледаат и двајцата обвинети.
Адвокатите на обвинетиот пар велат дека двајцата ги негираат обвинувањата за присилен секс и дека тие обвиненија се штетни за вистинските жртви на силување. Но, според Канцеларијата на државниот обвинител, Рајли и Робишо се сретнале со 32-годишна жена во ресторан во Њупорт Бич во април 2016 година и ја поканиле на забава, каде што ја опиле и издрогирале, по што ја одвеле во својот стан и ја силувале.
Целиот инцидент е снимен со мобилен телефон. Жртвата отишла во полицијата следниот ден, при што со анализа на крвта во нејзиниот организам биле пронајдени траги од разни лекови и дроги.
Шест месеци подоцна, друга жена, исто така, наводно била силувана откако со нив пиела во бар. Како што објаснила во полиција, таа се разбудила во нивниот стан и викала за помош додека соседот не повикал полиција.
Можно е дека овој пар силувал жртви и надвор од Калифорнија, додека патувал на фестивалот „Брнинг мен“ во Невада. Канцеларијата на државниот правобранител ги повика можните жртви да поднесат извештај до полицијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Северна Кореја за првпат оваа година се положи заклетва на лојалност за роденденот на Ким Џонг Ун
За прв пат откако севернокорејскиот лидер Ким Џонг Ун ја презеде власта во 2011 година, од севернокорејските граѓани беше побарано да дадат заклетва за лојалност оваа година на неговиот роденден, соопшти јужнокорејскиот Институт за развој на југ и север (SAND) со седиште во Сеул.
Во петокот, институтот објави фотографии од текстот на заклетвата во папката, за која се верува дека е направена на 40-тиот роденден на Ким, 8 јануари, пренесува Ројтерс.
Северна Кореја никогаш официјално не го потврдила датумот на раѓање на Ким, а традиционално ваквите церемонии за заклетва се одржуваат на родендените на неговиот татко и дедо, претходни севернокорејски лидери.
Свет
Потврдено е дека во Мексико се пронајдени телата на исчезнатите туристи
Мексиканските власти потврдија дека двајца австралиски и еден американски турист, кои беа пријавени за исчезнати во северно Мексико, се мртви откако нивните тела ги идентификувале нивните родители.
Јавниот обвинител Елена Андраде им кажа на родителите и дипломатските службеници дека мексиканските власти целосно ќе се посветат на истрагата за да ги изведат одговорните за злосторството пред лицето на правдата, пренесува Ројтерс.
Телата на браќата Калум (33) и Џејк (30) Робинсон од Австралија и американецот Картер Роуд (30) беа пронајдени на дното на бунар во мексиканската држава Долна Калифорнија минатата недела, по повеќедневна потрага.
Свет
Белоруски министер за надворешни работи: Украина се обидува да пренесе оружје на територијата на Белорусија за напад
Министерот за надворешни работи на Белорусија Сергеј Алејник изјави дека Украина често провоцира обиди за транспорт на оружје и експлозиви на белоруска територија, што може да се користи за терористички акти во Русија.
Алејник за РИА Новости изјави дека во текот на оваа и минатата година биле запрени 40 канали за транспорт на оружје и експлозиви од Украина на територијата на Белорусија и оценил дека тоа е загрижувачка информација.
Тој додаде дека Комитетот за безбедност на Белорусија неутрализирал 20 и притворил околу 30 диверзанти кои преминале од Украина во Белорусија и подготвувале терористички акти.