Свет
Швајцарија нема да ја забрза депортацијата на одбиените азиланти од Еритреја

Горниот дом на швајцарскиот парламент во средата се спротивстави на предлогот Еритрејците што не успеале да добијат азил во Швајцарија да бидат депортирани што е можно поскоро, пренесува „Локал“.
Предлогот на десничарската Швајцарска народна партија (СВП) доаѓа по последователното заострување на швајцарската политика кон Еритрејците што привремено живеат во Швајцарија откако не им бил одобрен азил. Во пресудата се вели дека враќањето на луѓето во Еритреја не може да се отфрли во сите случаи дури и кога луѓето што се враќаат би можеле да бидат принудно мобилизирани.
Во предлогот што беше претставен во средата пратеничката на СВП, Андреа Гејсбихлер, побара швајцарската влада да почне разговори со еритрејскиот претседател Исајас Афеверки за цел да го олесни враќањето на Еритрејците во татковината. Таа го наведе неодамнешниот мировен договор помеѓу Еритреја и соседна Етиопија како доказ дека ситуацијата во регионот е подобрена. Во моментов, не постои билатерален договор помеѓу Швајцарија и Еритреја за репатриација, но швајцарската министерка за правда, Симонета Сомаруга, изјави дека владата на Еритреја се покажала неподготвена да преговара за враќањето на луѓето и покрај честите обиди на Швајцарија да изгради односи и да воспостави дипломатско присуство во земјата.
Сенатот во средата ја отфрли и иницијативата на група жители на Женева кои ја повикуваа швајцарската влада да ја релаксира политиката кон Еритрејците што живеат во Швајцарија на привремена основа. Сепак, сенатот го прифатил предлогот од либералниот пратеник Дамиен Милер и ги повикал швајцарските власти што побрзо да направат целосен преглед на Еритрејците кои живеат во Швајцарија по одбиеното барање за азил. Милер рече дека Државниот секретаријат за миграција (СЕМ) врши добра работа, но дека агенцијата треба да го забрза процесот за политичарите да не го изгубат својот кредибилитет во очите на јавноста.
Во април, СЕМ рече дека ќе направи целосен регистер на околу 3 400 Еритрејци кои живеат привремено во Швајцарија по неодамнешните судски одлуки во врска со нивниот статус. Една неодамнешна пилот-анализа на 250 случаи откри дека околу 20 Еритрејци може да бидат депортирани од Швајцарија, одлука што ја критикуваше групата за права која тврди дека ситуацијата во Еритреја не е подобрена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ најави намалување на цените на јајцата, зеленчукот, овошјето, млечните производи…

Претседателот на Србија, Александар Вучиќ, објави денеска дека од идната недела ќе се ограничат маржите во трговските синџири, што ќе доведе до пониски цени за околу 3.000 производи. Според него сега ти маржи сега се и до 45,2 проценти во најголемите синџири, и дека во наредниот период до крајот на годината ќе следат сеопфатни мерки за подобрување на животниот стандард на луѓето во Србија.
Toj најави и намалување на каматите на станбените, готовинските и потрошувачките кредити што ќе важи за следните 365 денови.
Вучиќ на прес-конференција изјави дека во наредниот период ќе бидат донесени закони за трговија и заштита на потрошувачите, додека до крајот на годината се очекува донесување на законот за забрана на нефер трговски практики.
Дел од мерките тој ги претстави денеска, а дел ќе бидат дополнително претставени во средината на септември. Маржите ќе бидат ограничени за 23 групи производи, односно околу 3.000 производи, што се однесуваат на 24 компании. Oпфатени се 24 трговци на мало.
„Во наредниот период ќе донесеме закон за трговија, ќе донесеме закон за заштита на потрошувачите, каде што ќе мора да има ценовници, нема да има измами со таканаречени промоции. А, до крајот на годината ќе донесеме и закон за спречување на нефер трговски практики, каде што им помагаме на домашните бизнисмени, на нашите добавувачи“, рече Вучиќ на денешната прес-конференција во Белград.
Вучиќ најави дека регулативата за ограничување на маржите „ќе започне следната недела“.
Тој истакна дека речиси и да нема да има измама, бидејќи се е обезбедено преку регулативата, преку директна контрола и пазарна инспекција, преку сите финансиски и даночни инспекции.
„Казните ќе бидат исклучително строги, но веќе разговаравме со трговците и ќе се погрижиме добро да го разберат тоа. Сакаме тие да остварат поголем профит и веруваме дека тоа е во нивен интерес, бидејќи луѓето ќе купуваат повеќе и ќе трошат повеќе пари, бидејќи знаат дека не плаќаат за нешто што е прескапо“, рече Вучиќ.
Тој додаде дека верува оти тоа е многу важно и дека е сигурен дека луѓето ќе бидат исклучително задоволни бидејќи секој од производите ќе биде значително поевтин. Како што истакна, за секој производ максималната маржа ќе биде 20 проценти, а максималниот „оф-рабат“ ќе биде 10 проценти.
„Се обидуваме да постигнеме ограничување на маржите што ќе придонесе за големо намалување на цените, вклучени се околу 3.000 производи. За да се види зошто стандардот е повисок во ЕУ – од 13 до 15 проценти оди во просечната потрошувачка кошничка, толку оди за храна. Во нашиот случај, оди помеѓу 40,6 и 47,8 проценти, во минималната потрошувачка кошничка, толку оди за храна, а потоа малку пари остануваат за луѓето за други потреби“, рече Вучиќ.
Српскиот претседател најави намалување на цените на сапун, паста за заби, детергенти, пелени за бебиња и возрасни, ориз, безалкохолни пијалоци, солени кондиторски производи, зеленчук и овошје, замрзнати производи, оцет, тестенини, млечни производи, јајца…
„Србија има стабилен девизен курс веќе 13 години, тоа никогаш не било случај. Србија има ниска стапка на јавен долг, некаде околу 45 проценти, сите тие бројки се добри. Таму каде што ние, признавам, направивме грешка, поради разни проблеми, не обрнав доволно внимание на одредени работи што излегоа од контрола“, рече Вучиќ.
Според него, неговата грешка била кога имало две претходни акции за намалување на цените, кои не биле ограничувања на маржите за сите производи.
Во врска со каматните стапки на кредитите, претседателот на Србија рече дека целта е да се поттикне дополнителна потрошувачка. Поповолни кредити се обезбедуваат за граѓани со приход до 100.000 динари.
„Стапката на сиромаштија во Србија е најниска, но сè уште има луѓе кои се сиромашни, секоја година тој број се намалува. Но, ова се однесува на средната класа. Просечната плата во мај била 107.500 динари, медијалната плата е 83.525 динари. Околу 50 проценти од граѓаните примаат плата што е помала од 83.525 динари, имаме голем број граѓани кои имаат големи плати од над 100.000 динари. значајна стратификација, сакаме да им помогнеме на средната класа“, рече тој.
Тој тврди дека тие мерки досега „не се видени во историјата на Србија“.
„Граѓаните и пензионерите со пензија до 100.000 динари можат да земат готовински кредити до 9.000 евра. Со ваков вид пензија и плата, до вчера каматната стапка на динарските кредити беше до 11,35. Сега им кажуваме – не смее да надмине 7,5 проценти. Поштенска штедилница ќе ја намали на 5,99“, нагласи Вучиќ.
Беа објавени и измени на Законот за извршување и обезбедување (ЗИО), според кои конфискацијата на недвижен имот ќе биде невозможна, ако станува збор за единствен семеен недвижен имот, ако живеалиштето на таа адреса е регистрирано најмалку пет години пред поднесувањето на предлогот за извршување, како и ако станува збор за стан со површина до 60 квадратни метри.
Претставувајќи нов пакет економски мерки за подобрување на животниот стандард на граѓаните, тој додаде дека ќе има одредени услови, како што е постоењето на судска одлука дека станува збор за едносемејна куќа, и дека новата регулатива ќе содржи „уште некои бенефиции за должниците на извршување“.
Свет
Палестински камерман убиен во појасот Газа

Палестинската новинска агенција (ВАФА) објави дека израелските војници убиле палестински камерман во северниот дел на Појасот Газа. Камерманот Калед ал Мадхун бил смртно застрелан во близина на преминот Зиким.
Израелската армија сè уште не го коментираше инцидентот.
Во средината на август израелската армија во градот Газа уби четворица вработени во Ал Џезира.
Израелската војска ја потврди смртта на дописникот Анас ал-Шариф, наведувајќи дека 28-годишникот се претставувал како новинар на Ал Џезира додека водел терористичка ќелија за палестинската милитантна организација Хамас.
Според податоци на Комитетот за заштита на новинарите (ЦПЈ) и Меѓународната федерација на новинари (ИФЈ) од почетокот на војната во Појасот Газа, октомври 2023 до 11 август во израелските напади загинале Израел 274 новинари и медиумски работници, од кои 269 биле Палестинци.
Свет
Израелски војници забележани во градот Газа

Палестински очевидци тврдат дека во градот Газа забележани се израелски војници.
Според нив израелските војници биле забележани во населбата Сабра, во близина на зграда во која порано се наоѓало училиште.
Израелските војници наводно се заблежани во градот Газа откако израелскиот премиер Бенјамин Нетанјаху одобри план за преземање на градот, во кој живеат околу еден милион луѓе.
Израелската армија не ги коментираше палестинските наводи, истакнувајќи оти не ги открива позициите на своите војници.
Претходно Израел соопшти дека планира да евакуира околу еден милион жители од градот пред офанзивата, која се очекува да почне најрано во септември.