Свет
Шведската црква ги прикрива муслиманските смртни закани кон парохијата Скелефтеа
Претставник на Црквата на Шведска призна дека графитите испишани врз локалната црква, кои вклучувале зборови како „џихад” и „убива”, не е прв случај на верска омраза во Скелефтеа, но свештенството одлучило да не коментира за ова прашање со надеж дека нападите ќе престанат, па ги претставувале како „невин” вандализам, пренесува весникот „Самхалснит“.
Црквата „Алхемскиркан“ во Скелефтеа на 3 септември била вандализирана од исламски религиозни екстремисти со графити со црно мастило полни омраза и заканувачки пораки. Но настанот не се најде во големите шведски медиуми иако полицијата соопшти дека се особено сериозни во врска со оваа форма на напади од омраза кон црквите и дека не ги сметаат за обични тинејџерските улични банди.
Црквата на Шведска и Шведското радио избрале да го минимизираат инцидентот како невини чкратки без да споменат која црква била вандализирана или да посочат на експлицитно антихристијанската природа на графитите. Портпаролот на црквата, П-О Сјодин, признава дека не е првпат црквата во Скелефтеа да биде вандализирана.
Во мај годинава, вандализирањето на црквата „Свети Олоф“ во истиот град со зборот „џихад” предизвика бура од негодување во јавноста бидејќи шведскиот национален телевизиски оператор СВТ одлучи да ја повлече фотографијата на вандализирана црква, за која сметале дека е „премногу чувствителна”, а Сјодин го нарекол испишувањето на зборот „џихад” вообичаена глупост. Џихад е арапски збор што првично значи „стремеж”, но во многу исламски контексти ја означува желбата за света војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с