Свет
(Видео) Грузија: Протестите на црквата спречија да се усвои законот за канабис
Масовните протести организирани од црквата ја спречија грузиската влада да го донесе законот за легализација на одгледувањето канабис во медицински цели.
Претседателот на грузискиот парламент, Иракли Кобахиџе, изјавил дека власта нема да преземе избрзани потези додека не ѝ објасни на јавноста за што навистина станува збор.
„Се шират лажни вести, така што мораме да посветиме внимание на информирањето на јавноста и тогаш заедно да одлучиме“, рекол тој и додал дека противниците на законот шират дезинформации дека ќе бидат укинати сите рестрикции во врска со наркотиците.
Министерството за внатрешни работи на почетокот на месецов потврди дека бара одгледувањето канабис да се легализира само за извоз во земјите во кои марихуаната се користи во медицински цели, а продажбата внатре во земјата ќе остане кривично дело.
Расправата за законот ова лето предизвика протести по што полицијата спроведе серија рации во ноќни клубови во Тбилиси за кои противниците на законот тврдат дека примаат само геј-клиенти.
Владата тврди дека нема ништо против ЛГБТ-заедницата, но за црквата и нејзините сојузници прашањето за либерализација на канабисот е тесно поврзано со прашањето за геј-правата.
Свештеникот Андрија Џагмаидзе за Би-би-си изјави дека ЛГБТ-пропагандата промовира либерализација на наркотиците, што, според него, е спротивно на учењето на црквата.
„Власта треба на оваа работа да ѝ пријде одговорно, а не да ја препушти на приватниот сектор. Ако законот се усвои, ќе биде тешко да се контролира примената и наркоманите од странство ќе доаѓаат во Грузија за да уживаат во слободата“, рекол грузискиот патријарх Лија Втори во својот проповед минатата недела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.