Македонија
Лекарска дебата во Тетово за предизвиците на здравствениот систем во насока на европската интеграција
Штабот за референдумот на Демократската унија за интеграција во соработка со Здружението на лекари Албанци во Македонија и Комората на лекари на Македонија, во Тетово организираа дебата на тема:,,Предизвиците на здравствениот систем во насока на европската интеграција”.
Шефот на Централниот штаб на ДУИ за референдумот, Атила Реџепи рече дека во целата земја се организираат разни дебати со информативен карактер и една од нив е и денешната дебата при што покана беше упатена до сите лекари што работат во земјата и во странство.
,,Ние, со ова дебата даваме наш придонес сензибилирајќи го лобито на лекари и на здравствените служби, со ова дебата имаме за цел што поголемо вклучување во периодот што ни следи, бидејќи во случај на успешен референдум ќе се отворат и преговорите со Европска Унија, а здравството во овој процес има свој удел”, рече претседателот на Централниот штаб на ДУИ за референдумот, Атила Реџепи.
Вицепремиерот за европски прашања, Бујар Османи воедно и поранешен министер за здравство рече дека во четврток официјално почнува процесот на скрининг.
,,Ова е првиот пат што една делегација од 50 лица од службите на администрацијата на Македонија одиме во Брисел каде за два дека ќе ни се даде до знаење се што предвидува Европската Комисија, се што ние потребно за да ја трансформираме нашата легислатива. Од сите министерства ќе има преставници, при што ќе се вратиме во земјата за да видиме каде сме ние и потоа да ги одредиме нашите празнини за да ни биде појасно каде треба да стигнеме, бидејќи треба да го изготвиме акциониот план за да бидеме што по подготвени за време на преговорите. Започна да се подготви јадрото на преговарачката екипа каде се предвидуваат околу 1000 делови од преговарачката екипа, вклучувајќи ги тука сите алки на преговарачкиот ланец, опфаќајќи го тука и здравствениот систем”, рече Османи.
Учесник во ова дебата беше и министерот за здраство, Венко Филипче а во дискусијата се вклучија и проф. др. Омер Цемаили од Теарце, кардиохирург, доктор Флорим Цуцули од Кичево кардиолог и предавач во Универзитетот во Базел, доктор Гзим Рецепи, интернист во Загреб и претседател на Одборот на клиничката болница ,,Свети дух” во Загреб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На ден пред двојните избори гласаат болните и изнемоштените лица, затворениците и дијаспората
Денес своето право на глас први ќе го остварат болните и изнемоштените лица, како и затворениците во казено-поправните домови во државата.
Од Државната изборна комисија информираа дека за претседателските избори ќе гласаат 11.123 болни и немоќни лица, а за парламентарните избори бројката е поголема за 102 избирачи или ќе гласаат 11.225 болни и немоќни лица.
Освен изнемоштените и затворениците, денес своето право на глас ќе го остварат и пријавените македонски државјани од дијаспората, но единствено за претседателските избори. Гласање за парламентарните избори во дијаспората нема да се спроведе поради недоволен број пријавени.
На овие парламентарни избори поднесени се 17 кандидатски листи, за парламентарните избори од кои 16 на политички партии и коалиции и една од група избирачи. На изборите учествуваат 61 партија. Од нив, 11 самостојно, а 50 во пет коалиции.
На вториот круг од претседателските избори право на глас имаат 1.814.317 избирачи, а на парламентарните избори 1.815.350 избирачи. Разликата во гласовите е 1033, генерално поради граѓани кои стекнуваат полнолетство. Во посебните изводи од Избирачкиот список за лица кои поднеле пријава за гласање во дипломатско конзуларните претставништва или конзуларни канцеларии се запишани 2.569 избирачи, а во затворите или во притвор 2.147 избирачи.
Македонија
Акредитирани 1078 домашни и 770 странски набљудувачи за изборите
За вториот круг од претседателските избори и парламентарните избори на 8 мај акредитирани се вкупно 1999 набљудувачи, преведувачи и странски новинари. Најмногу акредитирани се домашни набљудувачи – 1078. Изборите ќе ги следат и 770 странски набљудувачи за чии потреби се ангажирани и 85 преведувачи.
За известување од изборите, акредитирани се 66 странски новинари, меѓу кои и од Ројтерс, Асошиејтед прес, Ал Џезира и Франс прес.
Најмногу домашни набљудувачи акредитирало Здружението за развој на општествено – социјални иновации „ВАКЕ УП“ Скопје – 752, потоа Фондација Ромите за демократија – 151, Цивил – 82, Центарот за безбедносни истражувања – 46, Институтот за меѓународни односи и стратегии Охрид – 20, Националниот ромски центар Куманово – 14, Здружението за промоција и развој инклузива Куманово – 12 и Македонскиот центар за културен развој – еден набљудувач.
Специјалната мисија за проценка на изборите на ОБСЕ/ОДИХР има акредитирано 410 набљудувачи, 14 експерти и 31 преведувач, најмногу од странските набљудувачи. Парламентарното собрание на ОБСЕ (OSCE PA) има акредитирано 138 набљудувачи, Амбасадата на Соединетите американски држави во Скопје – 68 набљудувачи и 33 преведувачи, Парламентарното собрание на Советот на Европа – ад хок комисијата за набљудување на претседателските избори во Република Северна Македонија – 33 набљудувачи и 20 преведувачи, Иницијативата за дијалог и демократија Силба 30, Централната изборна комисија – Република Косово – 13, Европскиот парламент – 12 и други.
Македонија
Бојан Јовановски: Повикан сум на информативен разговор во полиција, ова е директен притисок и обид за цензура
Бојан Јовановски – Боки 13 соопшти дека денеска во 10 часот е повикан на информативен разговор во П.С Кисела вода (Пролече) во врска со пријава за загрозување на безбедност согласно член 144 од КЗ.
„Ова го чувствувам за директен притисок и обид за цензура од страна на засегнатите лица во врска со мојот настап кај „Лазаров“!“, објави Бојан Јовановски.
Јовановски претходно вчера објави дека веќе неколку дена е цел на закани и притисоци со цел да го откаже второ гостување на поткастот.