Забава
Математичар тврди дека решил проблем кој 160 години ги излудува неговите колеги
Еден од најистакнатите британски математичари, Мајкл Атија, тврди дека пронашол доказ за Римановата хипотеза – еден од шесте математички проблеми за чие решение е предвидена награда од милион долари, а кој речиси 160 години ги излудува неговите колеги во светот.
Сега пензионираниот Атија (89), инаку наградуван британско либански математичар, го претставил својот труд на собир во Хајделберг, за кој тврди дека е едноставен доказ за Римановата хипотеза, а дали успеал да реши еден од најпознатите нерешени проблеми во математиката ќе утврди комисија, наведува магазинот „Њу сајентист“.
„Доколку решението биде потврдено, тоа ќе биде голема вест“, оценува британскиот научен магазин, укажувајќи дека, меѓу другото, таа хипотеза е блиску поврзана со делењето на основните броеви кои не може да се делат со ниту еден цел број освен со самиот себе и со бројот еден.
„Ако се докаже дека хипотезата е точна, математичарите ќе добијат мапа за да ги лоцираат сите такви основни броеви, што би претставувало значително поместување со далекусежни ефекти во таа област“, пишува во текстот.
Наградата од милион долари, ветена за решавање на еден од шесте нерешени Милениумски проблеми во математиката, која ја поставил американскиот Институт за математика „Клеј“, ставаше многумина математичари во искушение да се впуштат во потрага за докази за Римановата хипотеза, но ниту еден од нив не успеа да стигне до наградата.
Атија е свесен за ваквата историја на неуспеси.
„Никој не верува дека воопшто постои доказ за Римановата хипотеза, а не па дека тој доказ може да го даде некој кој има 90 години“, рекол тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.