Свет
Шведскиот премиер ќе работи на формирање нова влада откако му изгласаа недоверба
Шведскиот премиер Стефан Лофвен изгуби на задолжителното гласање доверба во парламентот на 25 септември поради што социјалдемократот ќе мора да се повлече од функцијата, пренесува „Спутник“. Според Лофвен, многу малку луѓе сакаат нови избори, вклучувајќи ги и гласачите, па вети дека ќе продолжи да работи на формирање нова влада.
Шведски „Локал“ објави дека 204 од 349 члена на шведскиот парламент гласале против поддршката на Лофвен. На парламентарните избори во Шведска на 9 септември блокот од левиот центар на Лофвен освои 144 пратенички места, едно повеќе од опозициската партија на десниот центар Алијанса.
Антимигрантската Шведски демократи, која стана трета најголема партија во Шведска, со 62 освоени пратенички места по неодамнешните избори, го поддржа гласањето за отстранување на Лофвен, но сè уште не е јасно дали ќе ја поддржи владата на Алијансата.
Новоизбраниот претседател на парламентот, Андреас Норлен, ќе мора да номинира нов кандидат за функцијата премиер. Тој ќе одржи разговори со лидерите на партиите и ќе избере политичар што ќе ја добие поддршката на мнозинството. Норлен може да понуди вкупно четири кандидати и ако ниту еден од нив не биде избран, ќе бидат распишани нови избори 3 месеци по последните избори. Уставот на Шведска не бара мнозинството членови на парламентот да гласаат за кандидат за премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Свет
Небензја: Русија е категорично против резолуцијата за Сребреница
Рускиот амбасадор во Обединетите нации Василиј Небензја изјави дека Русија е категорично против резолуцијата за Сребреница во Генералното собрание на ОН и додаде дека секоја страна и должи на другата и Сребреница не е единствената темна страна на таа војна.
Тој посочи дека промовирањето на нацрт-резолуцијата на Генералното собрание на ОН за геноцидот во Сребреница го прекршува Дејтонскиот договор.
„Тој нацрт е едностран и политички мотивиран“, рече тој.
Свет
Шојгу нареди да се обезбеди повеќе оружје за војната во Украина
Министерот за одбрана на Русија, Сергеј Шојгу нареди што поскоро да се обезбеди поголемо количество оружје за воената операција во Украина.
„За да се задржи темпото на офанзивата и да се зголеми составот на воените групи, неопходно е да се зголеми обемот и квалитетот на испорачаното оружје“, рече Шојгу, соопшти руското Министерство за одбрана.
Како што е соопштено, за време на состанокот, рускиот министер за одбрана истакнал дека групите војници продолжуваат да ги извршуваат задачите на оперативните линии во согласност со планот за специјална воена операција и укажал на потребата од дополнително зголемување на набавката на оружје, воена опрема и оружје, пренесува РИА Новости.