Македонија
Царовска во Њујорк: Македонија создава силни институции што им служат на граѓаните
„Македонија е земја што го почитува принципот на отворено владино партнерство, што директно значи создавање силни институции во дијалог со граѓанското општество кои им служат на граѓаните. Градењето правда на сите нивоа во државата значи и создавање демократски капацитет кој е неопходен за сите општетсва во развој“, рече министерката за труд и социјална политика, Мила Царовска, во обраќањето на настанот „Време е за акција -Правда за сите 2030“, што се одржува во Њујорк во организација на Фондацијата „Отворено општество“.
Царовска истакна дека правдата во општествата не е само во судскиот и во правниот систем, туку и во ресорите важни за секојдневното живеење. Македонија работи на намалување на сиромаштијата преку социјалната реформа што дирекно ќе влијае на зголемувањето на правдата, но истовремено се работи на едукација на граѓаните за нивните права.
„Важно е да обезбедиме правда во образованието, здравството, социјалната заштита. Токму за таа цел МТСП ги институционализра системите за правна поддршка и за зајакнување на граѓаните што се на работ на нашето општество со цел тие да имаат подобро знаење и разбирање за нивните права, но и да може институциите да им ги обезбедуваат тие права“, рече министерката Царовска во своето обраќање.
На настанот говореа основачот на Фондацијата „Отворено општество“, Џорџ Сорос, претседателот на Република Сиера Леоне, Џулиус Маада Био, Кристалина Георгиева, извршнa директоркa на Светската банка, и Мери Робинсон, поранешна претседателка на Ирска и висока претсавничка за човекови права на Обединетите нации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Демократски сојуз ги повикува граѓаните да гласаат за Силјановска и ВМРО-ДПМНЕ
Демократскиот сојуз на Павле Трајанов ги повика граѓаните да гласаат за Гордана Силјановска Давкова и за коалицијата предводена од ВМРО-ДПМНЕ.
-Партиите кои се на власт, кои ги разградија институциите, ја криминализираа државата, ги загрозија националните и државните интереси, ги доведоа граѓаните во очај и предизвикаа масовно иселување, треба да одат во опозиција и да одговараат за грабежот и загрозувањето на опстанокот на државата. Во овие сложени состојби кога се одлучува за иднината на Македонија, Ве повикуваме на масовно гласање за промени, за Гордана Силјановска Давкова (2) и за кандидатите за пратеници на Коалицијата ТВОЈА МАКЕДОНИЈА, предводена од ВМРО-ДПМНЕ (Број 2), се вели во соопштението.
Македонија
Возач загина во сообраќајка на експресниот пат Штип-Кочани, повредени жена и две деца
Триесет и деветгодишен маж загина, а три други лица, од кои две малолетни, се повредени во сообраќајна несреќа што синоќа околу два часот по полноќ се случила на експресниот пат Штип-Кочани.
Во несреќата која била пријавена во 2:24 часот изутрина, учествувало само едно возило. Автомобилот „рено лагуна“ со скопски регистрации излетало од коловозот во близина на клучката кај селото Крупиште.
Возачот – 39-годишен маж од Скопје – починал, а сопатничката и двете деца се здобиле со повреди и се пренесени во болницата во Штип.
Увидот во несреќата е во тек.
Македонија
Битиќи на велигденски јајца кај Спасовски кој му посака здравје низ целата година
Вицепремиерот Фатмир Битиќи бил на гости дома кај екс министерот за внатрешни работи, Оливер Спасовски по повод празникот Велигден.
„На гости во мојот дом беше другарот Фатмир Битиќи, по повод празникот Велигден, Христово Воскресение. Му посакувам здравје низ целата година“, објави Спасовски на социјалните мрежи.