Забава
Поминувањето над два часа пред екран ја намалува меморијата на детето
Една нова студија покажа дека намалувањето на времето поминато пред екранот на два часа на ден го помага развојот на мозокот кај децата.
Студијата беше направена на примерок од 4 500 деца на возраст од 8 до 11 години, споредувајќи ги нивните распореди, вежби и времето поминато пред екранот според националните упатства за здравјето на децата. Беше откриено дека децата на таа возраст не треба да поминуваат повеќе од два часа дневно пред екран и дека им треба помеѓу девет и единаесет часа спиење, како и најмалку еден час физичка активност.
Од 4 500 деца, само 5 отсто се придржуваат кон тоа.
Студијата покажа дека 51 отсто од децата доволно спијат, 37 отсто не поминуваат повеќе од два часа пред екран, а 18 отсто се придржуваат кон пропишаните физички активности.
Истражувачите откриле дека децата кои се придржуваат кон овие упатства покажуваат подобри когнитивни способности, кои вклучуваат меморија, внимание и учење јазик.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Џеј Ло фотографирана среде гласините за развод од Афлек, детаљ на нејзината рака привлече внимание
Гласините за разводот на Џенифер Лопез и Бен Афлек кружат веќе подолго време, а „шушкањата“ дополнително ги подгреа еден детаљ од новите фотографии на актерката во Лос Анџелес. Имено, папараците ја снимиле во автомобил, а на раката не носела бурма.
Покрај тоа, Афлек се појавил без придружба на матурската забава на неговата ќерка. На фотографиите кои ги објави Дејли Мејл, актерот има мрачен израз на лицето и во раката држи лименка пиво. Оваа сцена загрижи многу луѓе бидејќи се знае дека тој во минатото бил алкохоличар и се опоравувал.
Како што пишува In Touch Weekly, актерот решил да се разведе од пејачката, а наводно веќе се иселил од куќата која ја делат. Ова го потврди извор близок до парот.
„Готово е, тие се разведуваат, а овој пат Бен не треба да се обвинува за тоа“, тврди инсајдерот.
Џенифер и Бен планираа да се венчаат на почетокот на 2000-тите, но врската не траеше и двајцата завршија со други сопружници. Лопез подоцна се раздели од пејачот Марк Ентони, а Афлек се раздели од актерката Џенифер Гарнер.
Лопез и Афлек ја обновија врската и се венчаа пред две години.
Забава
Кејт Мидлтон нема да се појави на парадата во јуни
Бакингемската палата потврди дека принцезата Кејт Мидлтон нема да се појави на парадата во средината на јуни, и покрај многуте очекувања.
На парадата, позната како Trooping the Colour, ќе учествуваат кралот Чарлс и кралицата Камила. Но, овој пат, наместо на коњ, кралот ќе биде во кочија, а се верува дека тоа е препорака на лекарот поради неговата дијагноза рак.
Да потсетиме, Кејт во јануари заврши во болница каде и беше оперирана. Два месеци подоцна таа на социјалните мрежи објави дека боледува од рак. Таа не ги откри деталите за нејзината болест, а јавноста побара приватност за време на нејзиното закрепнување.
Меѓутоа, во последно време Кејт се почесто се дружи и излегува од дома.
Дејли мејл истакнува дека принцезата од Велс почесто ја гледале со своето семејство во последните неколку недели, а вработените во палатата велат дека биле преплавени со десетици илјади писма во кои и посакувале добро на принцезата откако и била дијагностицирана болеста. На адресата на палатата вообичаено пристигнуваат околу илјада писма неделно, а откако стана позната нејзината дијагноза, нивниот број се зголеми за десет пати.
Забава
(Видео) Никол Кидман и Зак Ефрон имаат страсна сцена од 18+ во новиот филм
Никол Кидман и Зак Ефрон повторно се обединија на екранот, 12 години откако глумеа во The Paperboy. Овој пат, ѕвездите од А-листата играат љубовници во романтичната комедија на Нетфликс A Family Affair.
Судејќи по трејлерот, ќе има уште секс сцени.
Во филмот, 56-годишната Кидман има бурна афера со шефот на нејзината ќерка, кој го игра Ефрон (36). На една сцена се гледа како австралиската актерка го турка актерот на креветот каде и ја скинува кошулата. „Те чекав вечно“, вели без здив додека се соблекуваат и страсно се бакнуваат.
Ефрон зборуваше за Пипл за улогата, велејќи за списанието: „Бев малку исплашен, но да се види повторно Никол е секогаш одлично. Таа е талентирана актерка, љубезна е, грижлива е и прекрасно е да се поминува време со неа“.