Забава
Неколку трендови на Шанел што ќе бидат хит во 2019 година
Карл Лагерфилд секогаш на креативен начин ги прикажува своите колекции за одредена сезона. Всушност, самата ревија понекогаш може да ја засени облеката, но тоа не беше случај со најновата колекција „Шанел С / С 19“, која е една од неговите најсложени ревии досега. Лагерфилд го претвори Гранд палас во # ChanelBiTheSea, заедно со песочна плажа, огромни бранови и армија од босоноги моделки кои ги претставуваа трендовите за следната година.
Омилените модели на Лагерфилд, како што се Каја Гербер и Адвоа Абоах, тргнаа на „плажа” во парчиња кои се најпогодни за софистицирана, елегантна, париска жена на одмор на француската ривиера. Меѓу многуте волшебни креации издвојуваме неколку што сигурно ќе влијаат на тоа кои трендови ќе бидат хит во 2019 година.
Блејзерите стануваат сè поголеми
Логото „Шанел” на ремените ќе биде неизбежен моден додаток
Жолтата е хит-боја
Велосипедистички шорц
Прекрасни мантили за на дожд се нов тренд за излегување
Две „шанел“ торбички прицврстени на еден ремен
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Сергеј Трифуновиќ покажа дел од атмосферата од венчавката со сопругата, која е 24 години помлада
51-годишниот српски актер Сергеј Трифуновиќ на „Инстаграм“ објави видео од венчавката со 24 години помладата избраничка Исидора Мијановиќ и покажа дел од атмосферата.
На видеото се гледа како Исидора фрла букет кон слободните девојки.
View this post on Instagram
„Невестата како Дончиќ. На свадбата на Бане го фатив бидермаерот. Го натскокав Марчело, кој немаше шанса во тој безмилосен дуел и всушност го кренав од обрачот“, напиша Трифуновиќ во описот на објавата.
Актерот на крајот на март ја побара за жена Исидора на нејзиниот роденден, а викендов се венчаа во црква. По тој повод, приредија и ручек за семејството, а во септември планираат голема свадба.
View this post on Instagram
Инаку, Исидора режира спотови, пишуваат српските медиуми, а претходно била во врска со кошаркарот Нино Челебиќ. На „Инстаграм“ ја следат повеќе од 12.000 луѓе, а таа ретко објавува фотографии со Сергеј.
Забава
(Видео) Дејвид Бекам: Не знам како јас и Викторија успеавме да останеме заедно 27 години
Дејвид Бекам откри дека ни тој самиот не знае како со Викторија успеале да останат заедно цели 27 години по сѐ што поминале, пишува „Дејли мејл“.
Двојката ќе ја прослави својата голема годишнина во јули, а поранешниот фудбалер откри дека подготовките се веќе во тек.
„И двајцата сме емотивни поради ова. Конечно, го гледавме документарецот и се прашувавме како поминавме низ сето ова 27 години. Но, го направивме тоа и имаме одлично семејство, одлична работа и среќни сме“, рече Дејвид.
„И да, секако, кога си со некого толку долго, секако дека имаш подеми и падови, тоа сите го знаат. Но, на крајот на денот бевме среќни затоа што се имавме во тие моменти!“, додаде тој.
Кога се запознале, имале 21 и 22 години, а се венчале две години подоцна и го добиле првиот син Бруклин.
„Неговото раѓање му даде нова димензија на семејството и нашите обврски потоа му беа посветени нему“, рече тој и додаде дека е среќен што ја запознал Викторија на толку рана возраст бидејќи отсекогаш сакал да биде млад татко.
View this post on Instagram
„Среќен сум и се чувствувам благословен што имав толку успешна кариера. И единственото нешто што лично сакав беше да имам деца на млада возраст за да може да ја живеат мојата кариера со мене. Имав среќа што ја запознав Викторија тогаш и дека сите три мои момчиња беа покрај мене во периодот кога играв за најголемите клубови“, изјави поранешниот фудбалер.
Забава
Бебе на 10 недели повторува „те сакам“: „Време е да се вработи и да плати сметки“
10-неделно бебе ги оставило родителите без зборови кога ѝ кажало на мајка си: „те сакам“, а неверојатниот момент бил снимен на камера.
Мајката Кесија Камерон од Њујорк го држеше во скут својот син Роан и му велеше „те сакам“ кога тој ѝ ја повтори реченицата речиси совршено.
Прекрасното видео беше објавено од бабата на Роан, Лара Скадсен, на „Тик-ток“, каде што стана вирално и собра повеќе од 1,1 милион прегледи. Беше споделено со натпис „Внукот е гениј! Гледајте!“, а гледачите останаа вчудовидени од неговиот говор и еден од нив коментира: „Време е да се вработи и да плати сметки!“
Вториот напиша: „ОМГ! Тој буквално го повтори она што го кажавте. Продолжете да разговарате со него како возрасен, тој ќе биде генијалец“. Друг коментира: „Бебињата во 2020 година доаѓаат со нова надградба“.
Се чини дека Роан учи со брзо темпо, при што повеќето бебиња се очекува да имаат „детски разговор“ само во првите неколку месеци од својот живот, според WebMD.