Економија
Сугарески: Македонија и Србија ќе градат заеднички железнички граничен премин
![](https://makfax.com.mk/wp-content/uploads/2018/10/43148744_2465061133534641_2953413486337589248_n.jpg)
Македонија и Србија ќе градат заеднички железнички граничен премин на граничниот премин Табановце, истакна денеска министерот за транспорт и врски, Горан Сугарески, кој се обрати на конференцијата по повод проектот за изградба на заедничкиот железнички граничен премин со Република Србија на граничниот премин Табановце.
Проектот, како што соопштуваат од Министерството за транспорт и врски, е со вкупна инвестициска вредност од над 4,5 милиони евра и се очекува изградбата да почне во 2020 година.
Министерот за транспорт и врски, Горан Сугарески, во своето обраќање на конференцијата истакна дека покрај изградбата на заеднички железнички граничен премин на површина од 2.400 квадратниметри предвидена е и изградба на нов пристапен пат до железничкиот премин, како и нова пречистителна станица за да се подобри снабдувањето со вода и електрична енергија.
„Република Македонија со својата цврста одлука за европската и евро-атлантската интеграција е максимално посветена на воспоставување регионална соработка и добрососедски односи. Денешниот настан е само потврда за нашите намери за продлабочување на таквата меѓудржавна соработка“, изјави Сугарески во своето обраќање.
Проектот, како што додаде министерот за транспорт и врски, предвидува изградба на заеднички железнички граничен премин со Република Србија на граничниот премин Табановце, на вкупна површина од 2.400 квадратни метри.
„Во заедничкиот објект ќе бидат сместени вработени на Граничната полиција, на царинските управи, инспекциските служби, како и државните железнички компании од Република Македонија и Република Србија. Целокупниот граничен систем, вклучувајќи ги и инспекциските контроли, ќе функционираат заеднички од тој објект, со што ќе се овозможи побрз и поефикасен транспорт на стока и патници“, изјави Сугарески.
За таа цел, Владата на Република Македонија преку Министерството за транспорт и врски до крајот на оваа година ќе аплицира за грант преку инструментот на инвестициска рамка на Западен Балкан на Европската Унија за што веќе добивме поддршка за обезбедување на инвестицијата од Европската банка за обнова и развој, додаде министерот за транспорт и врски.
Сугаревски за време на своето обраќање исто така истакна и дека во завршна фаза е изработката на тендерската документација за изградба и дека набргу ќе биде објавен и јавниот повик, а доколку работите се одвиваат во согласност со договорената динамика, изградбата би почнала во 2020 година, заклучува миснистерот за транспорт и врски, Горан Сугарески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Економија
ВМРО-ДПМНЕ: Измените на Законот за Енергетика кои ги предлагаме ќе спречат поскапување на струјата за најголем дел од домаќинствата, ќе работиме на поевтинување после јануари
![](https://makfax.com.mk/wp-content/uploads/2017/12/struja.jpg)
„На заминувањето на власта на СДСМ и ДУИ, се случува повторно ново поскапување на електричната енергија, со што директно се удира по стопанството и по буџетот на домаќинствата“ вели ВМРО-ДПМНЕ.
„ВМРО-ДПМНЕ се грижи за стандардот на граѓаните и затоа поднесе Предлог закон за дополнување на законот за енергетика по скратена постапка, со кој ќе се спречи поскапувањето на цената на електричната енергија за најголем дел од домаќинствата сега на почетокот на јули.
Со оглед на тоа што универзалниот снабдувач од порано продолжува да ја врши истата услуга и во иднина, Регулаторна со измените треба само да му ја продолжи лиценцата, без да има дополнителни бирокартски процедури кои чинат пари и време и во исто време ќе се намали маржата од 11,5% на 9,9%. Овие промени но и оптимизацијата во работата на универзалниот снабдувач би ги заштитило граѓаните од поскапувања и со тоа дополнително загрозување на стандардот на граѓаните.
Овие мерки кои сега ги предлага ВМРО-ДПМНЕ, пред формирањето на владата се во насока на заштита на интересите на граѓаните. По формирањето на владата ќе следи силна и посветена работа во областа на енергетиката, што би требало да резултира со намалување на цената на електричната енергија во следниот регулационен период од јануари 2025, како за домаќинството така и за стопанството“, соопшти ВМРО-ДПМНЕ.
Економија
Просечната плата во април изнесува 41.085 денари
![](https://makfax.com.mk/wp-content/uploads/2017/08/denari-plata-126565.jpg)
Просечната месечна исплатена нето-плата по вработен, во април 2024 година, изнесува 41.085 денари.
Според податоците на Државниот завод за статистика, индексот на просечната месечна исплатена нето-плата по работен во април 2024 година, во однос на април 2023 година, изнесува 113.7.
Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (21.8%), Земјоделство, шумарство и рибарство (18.6%) и Информации и комуникации (18.0%).
Зголемување на просечната месечна исплатена нето-плата по вработен, во однос на претходниот месец, е забележано во секторите: Земјоделство, шумарство и рибарство (6.3%), Информации и комуникации (5.7%) и Транспорт и складирање (4.9 %).
Економија
Нова цена на горивата од полноќ
![](https://makfax.com.mk/wp-content/uploads/2023/02/benzin-gorivo-960x639-1-2.jpg)
РКЕ донесе нова одлука за цената на горивата од полноќ.
Цената на бензините и дизелот остануваат исти, а „мазутот“ поскапува 1,2 денар.
Моторен бензин ЕВРОСУПЕР БС-95 – 81,00 (денар/литар)
Моторен бензин ЕВРОСУПЕР БС-98 – 83,00 (денари/литар)
Дизел-гориво ЕВРОДИЗЕЛ БС (Д-Е V) – 74,00 (денари/литар)
Масло за горење екстра-лесно 1 (ЕЛ-1) – 73,00 (денари/литар)
„Мазут М-1 НС“ – 45,680 (денари/килограм)