Забава
Одлучно ги отфрлам сите обвинувања, силувањето е грозоморно злосторство, напиша Роналдо на „Твитер“
Напаѓачот на португалскиот национален фудбалски тим и „Јувентус“, Кристијано Роналдо, ги негира обвиненијата за силување на американката Кетрин Maјорга во 2009 година во хотел во Лас Вегас.
„Одлучно ги отфрлам сите обвинувања. Силувањето е грозоморно злосторство што е против сето она во што јас верувам”, напиша португалската ѕвезда на социјаната мрежа „Твитер“.
I firmly deny the accusations being issued against me. Rape is an abominable crime that goes against everything that I am and believe in. Keen as I may be to clear my name, I refuse to feed the media spectacle created by people seeking to promote themselves at my expense.
— Cristiano Ronaldo (@Cristiano) October 3, 2018
Американката во интервју за германскиот неделник „Шпигел“ го обвини напаѓачот на „Јувентус“ дека на 13 јуни 2009 година ја силувал во нејзиниот апартман во Лас Вегас, а Роналдо следната година, како што рече таа, ѝ платил 375.000 долари за да молчи, но осум години подоцна таа одлучила да го тужи.
Германскиот неделник тврди дека има документи што ги потврдуваат обвинувањата на 34-годишна жена, а полицијата во Лас Вегас повторно го отвори случајот.
„Одбивам да го нахранам медиумскиот спектакл што е создаден од луѓе што сакаат да се промовираат на мојот трошок. Мојата совест е чиста и мирно ги чекам резултатите од истрагата“, додаде Роналдо.
My clear conscious will thereby allow me to await with tranquillity the results of any and all investigations.
— Cristiano Ronaldo (@Cristiano) October 3, 2018
Португалцот исто така, вчера, на социјалната мрежа „Инстаграм“ објави видео на кое тврди дека не е виновен.
„Не, не, не. Она што тие го велат се лажни вести. Тие сакаат да се промовираат користејќи го моето име. Тие сакаат да бидат познати со изговарање на моето име, но тоа е дел од работата“, коментира во видеопораката португалскиот фудбалер во врска со обвиненијата за силување.
Мајорга во 2009 година првпат поднесе тужба, но тогаш попушти под притисокот и се согласи да го решат проблемот надвор од судот.
Во меѓувреме таа дипломирала новинарство на универзитетот во Невада и го промовирала движењето против сексуално вознемирување #MeToo, кое, според нејзините изјави, ја инспирирало овој случај повторно да биде отворен и расчистен и поднела нова тужба.
Во американската сојузна држава Невада во статутот не постои застарување на дело за силување, а ако се докаже дека Роналдо навистина ја силувал, на фудбалерот му се заканува доживотна казна затвор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Никогаш не е доцна за љубов, вели новиот партнер на Џенифер Анистон
Новиот партнер на Џенифер Анистон, Џим Кертис, изјави дека никогаш не е доцна да се најде љубов, пренесе „Пипл“.
На прашање како да се пронајде љубов по 40-тата година, Кертис одговорил дека тоа се прави исто како и на 22 или 32 години – но со повеќе самодоверба, искуство и автентичност.
„Прво сакајте се себеси и знајте дека сте во совршени години“, рекол тој, додавајќи дека „животот не завршува на 42“.
Кертис и Анистон првпат биле видени заедно во јули, а потоа и на премиерата на новата сезона на серијата The Morning Show и на заедничка вечера со актерот Џејсон Бејтман и неговата сопруга. Според извор за „Пипл“, „тие повремено излегуваат и уживаат во дружењето“.
Забава
Дали знаевте дека во Европа постои село на Штрумфовите? Сè е сино!
Фото: Селото Júzcar, скриено во срцето на Андалузија, Шпанија, со своите сини куќи и ѕидни мурали инспирирани од Штрумфовите, стана една од најнеобичните европски атракции.
Во срцето на Андалузија, во Шпанија, се наоѓа необично место – селото Хускар (Júzcar), познато како „селото на Штрумфовите“, каде што сите куќи се обоени во сино.
До 2011 година, Хускар бил обично бело андалузиско село, сè додека продукциската куќа „Сони“ не го избрала за промоција на анимираниот филм Штрумфови, целосно обоивши го во препознатливата сина боја.
View this post on Instagram
По завршувањето на кампањата, куќите требало повторно да се вратат во бело, но мештаните одлучиле да ја задржат сината боја, откако туристите почнале масовно да пристигнуваат. Денес, селото е познат туристички бисер – украсено со мурали од Штрумфета, Папа Штрумф и Гаргамел, големи скулптури од печурки и патеки за прошетки меѓу зелените планини.
View this post on Instagram
View this post on Instagram
Хускар, кој некогаш бил индустриско село, денес живее од туризмот и гордо го носи прекарот – „најсинoто село во светот“.
View this post on Instagram
Забава
Ѕвездата на „Очајни домаќинки“: Не сум била под нож, да се биде жена е тешко, стареењето е тешко
Холивудската ѕвезда Тери Хачер, позната по серијата Очајни домаќинки, во ново интервју изјави дека никогаш не се подложила на естетска операција, иако призна дека не ја исклучува можноста во иднина.
Во подкастот „Д Скини Конфиденшл Хим енд Хер Шоу“ таа истакна дека ѝ пречи неискреноста на познатите жени кои тврдат дека не направиле ништо, а очигледно имаат естетски зафати.
„Кога славните лажат, сите други се чувствуваме лошо“, рече актерката, додавајќи: „Да се биде жена е тешко, стареењето е тешко.“
Хачер објасни дека нејзиното решение за стареењето е „внатрешна работа – интелектуална и емоционална“, а не пластична хирургија.
Таа се осврна и на двојните стандарди во Холивуд: „Светот е поблаг кон стареењето на мажите. Тие и на 70 изгледаат како ’најсексапилни живи луѓе‘, а жените постојано се под лупа.“

