Забава
Бренсон: Компанијата „Вирџин галактик“ за неколку недели ќе патува во вселената
Претприемачот сер Ричард Бренсон изјави дека компанијата „Вирџин галактик“ ја делат само недели од првото патување во вселената, пренесува Би-би-си.
„Би требало да бидеме во вселената за неколку недели, а не месеци. А потоа, мојата посета на вселената би била за неколку месеци, а не за неколку години“, изјави основачот на компанијата за веб-страницата на Си-ен-би-си.
Тој додаде дека компанијата ќе почне да носи патници во вселената не многу долго по тоа.
Сер Бренсон е во трка со „Спејс екс“ на Илон Маск и „Амазон“ за тоа кој прв ќе испрати патници во вселената. Тој ја основа компанијата за комерцијални вселенски летoви во 2004 година.
Компанијата најпрво вети суборбитални вселенски летови за туристи до почетокот на 2009 година. Но, одложувањата и фаталната незгода во 2014 година го спречија Бренсон во остварувањето на неговите првични амбиции.
Претходно годинава, „Вирџин галактик“ го комплетираше суперсоничниот тест на својот патнички брод SpaceShipTwo, првпат по падот.
Првично с еочекуваше шеесет и седумгодишниот мултимилионер да учествува во вселенски лет пред април годинава.
Пред некое време во интервју за Би-би-си радио 4, Бренсон изјави дека минува низ обука и фитнес-тренинг за астронаути.
„Во соба со 10 луѓе, осум од нив би рекле дека сакаат да отидат во вселената доколку можат да си го дозволат тоа“, изјави Бренсон за Си-ен-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.