Свет
Објавена последната колумна на исчезнатиот саудиски новинар
„Вашингтон пост“ ја објави последната колумна на исчезнатиот саудиски новинар Џамал Кашоги. Уредничката Карен Атија објасни дека чекала со објавувањето бидејќи досега мислела дека новинарот ќе им се јави, пишува Си-ен-ен.
„Морам да прифатам дека тој никогаш нема да се врати кај нас, и ова е неговиот последен напис што го уредувам. Оваа колумна совршено ја опишува неговата посветеност на борбата за слободата на арапскиот свет. За таа слобода, очигледно, го даде и својот живот”, напиша уредничката на „Вашингтон пост“, Карен Атија.
In his last Post column before his disappearance, Jamal Khashoggi wrote about the Arab world’s need for a free press. Read it here. https://t.co/L80fitlJZT
— Washington Post (@washingtonpost) October 18, 2018
Во последната колумна Џамал Кашоги зборува за недостигот на слобода на говорот и медиумите во арапскиот свет. Исто така, тој предупредува дека „арапскиот свет се соочува со сопствена верзија на Железната завеса, која не ја наметнаа надворешните фактори, туку внатрешната борба за моќ и моќ”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.