Македонија
Адеми: Посветени на еднаквоста и квалитетното образование
Министерот за образование и наука, Арбер Адеми, денеска имаше официјален работен состанок со политичките претставници на жителите на Пелагонискиот Регион. На заедничката средба со Џемил Ќамили – градоначалник на општина Долнени, Муса Ибрахими – заменик-директор на Агенцијата за катастар, како и со Елгафар Јусуфи – директор на Агенцијата за поттикнување на развојот на земјоделството во Битола, беше разговарано за напорите што го прави Министерството за образование и наука во насока на подобрување на квалитетот на образованието за учениците од овој регион.
„Подобрувањето на квалитетот на образованието е еден од главните приоритети на Министерството и Владата и, во однос на ова посебно внимание ќе им се посвети токму на зоните запоставени во смисла на можностите за исполнување на законската обврска за основно и средно образование“, истакна меѓу другото министерот Адеми. Во тек се измените во Законот за основно образование, Законот за средно образование и Законот за ученичкиот стандард. Сето тоа се прави со цел обезбедување најдобри законски решенија за спроведување на најавените реформи, објасни министерот за образование.
Во оваа пригода, тој вети дека институцијата со која раководи максимално ќе се ангажира за остварување на правата на образованието на мајчин јазик за сите ученици, и тоа не само во Долнени и Битола туку во сите краеви каде што има потреба.
Претставниците на Пелагонискиот Регион изразија подготвеност да дадат свој придонес за да можат најбрзо и најефикасно да се спроведуваат овие политики, кои во суштина го имаат еднаквоста во образованието како предуслов за подобро спроведување на реформите што ги презема Министерството за образование и наука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон“, вели Демократскиот сојуз
Демократскиот сојуз ги потсетува партиите, посебно ДУИ, но и сите граѓани, дека соглано член 99 од Уставот на Република Македонија, мандат за состав на Влада добива кандидатот на партијата/ партиите кои имат мнозинство (најмалку 61 пратеник).
„Владата ја избира Парламентот со мнозинство гласови од 120-те пратеници. Мнозинство се 61 пратеник. За избор на Владата нема двојно гласање (Бадентер), тоа не е предвидено ниту со Уставот, ниту со било каков договор или закон, ниту пак има таква пракса. Се работи за класична манипулација или непознавање на политичкиот систем и Уставните решенија за избор на Влада“, велат од Демократскиот сојуз.
„Сосема е извесно дека по 20 години на власт, недопирливите од ДУИ, ќе бидат испратени во долгогодишна опозиција и за грабежот што го направија и разнебитување на институциите и државата во целина ќе одговараат.
Наводната проевропска партија „ги отвори вратите на ЕУ“, при што за време на нивното владеење над 800 илјади граѓани од Македонија се иселија во земјите на ЕУ, меѓу нив и над 200 илјади Албанци.
Сите партии се изјаснија дека по изборите нема да коалицираат со ДУИ. Тоа е јасно за сите граѓани, затоа ќе гласаат за промени, а на ДУИ во опозиција ќе им се приклучи и СДСМ“, се додава во соопштението на Демократскиот сојуз.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.