Свет
Евробарметар: Само 44 отсто од Италијанците сакаат да останат во ЕУ
Најновата анкета на Евробарометар покажува дека Италија стана најевроскептична земја во Европската Унија бидејќи само 44 отсто од Италијанците би гласале да останат во блокот ако се одржи референдум. Резултатите од анкетата се многу поразлични кога станува збор за еврото, па 65 отсто од Италијанците велат дека поддржуваат Италија да продолжи да ја користи евовалутата, пренесува „Ил џорнале“.
Популистичкиот италијански министер за внатрешни работи, Матео Салвини, реагираше на податоците што се однесуваат на ЕУ:
„Сега на сите им е јасно дека треба да се преосноваат. Сонувам за Европа што прави малку работи, но ги прави добро. Европските избори следната година ќе бидат историски настан. Очекувам гласови од целиот континент за оние што сакаат да ги почитуваат нивните идентитети и народи, а против арогантните наметнувања на финансиските шпекуланти и апсурдните закони на бирократите што живеат на друга планета. Тоа ќе биде нова европска пролет на слободата”, рече Салвини.
Претседателот на Европскиот парламент, Антонио Тајани, зеде попозитивен пристап кон резултатите велејќи:
„Благодарноста за членство во ЕУ и нејзините придобивки расте речиси во цела Европа. Единствената валута, исто така, им се допаѓа на големо мнозинство граѓани. Но во некои земји-членки, вклучувајќи ја и нашата, процентот на оние кои сметаат дека членството е позитивно е се уште пренизок. Мораме да ги удвоиме напорите за да покажеме дека ЕУ може да даде навистина ефикасни одговори на главните проблеми на Европејците, како што се имиграција, безбедност и невработеноста “, додаде тој.
Италијанскиот став кон членството во ЕУ доаѓа по серијата расправии меѓу Европската комисија и популистичката италијанска коалициска влада последните неколку месеци. Првично, Италијанците беа незадоволни од немањето напредок во решавањето на проблемите со мигрантите, па дури исе заканија дека ќе престанат да испраќаат пари во Брисел.
Во последните неколку недели конфликтот меѓу двете се врти околу италијанскиот буџет со кој се зголемува трошењето за да се плати програмата за основен приход на Движењето Пет ѕвезди. Зголемувањето беше критикувано од претседателот на ЕК, Жан-Клод Јункер, кој претходно неделава изјави дека буџетот би можел да предизвика жестока контрареакција во другите земји од еврозоната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Остин: Бајден ја запре испораката на оружје за Израел
Американскиот министер за одбрана Лојд Остин денеска изјави дека одлуката на американскиот претседател Џозеф Бајден да ја прекине испораката на муниција за Израел е донесена поради израелските планови да изврши офанзива врз градот Рафах на југот на Појасот Газа.
„Од самиот почеток бевме многу јасни дека Израел не треба да започне голема офанзива во Рафах без да ја земе предвид заштитата на цивилите во областа. Откако ја преиспитавме ситуацијата, престанавме да испраќаме муниција во Израел“, рече тој на сослушувањето во Сенатот и потврди дека конечната одлука „што ќе се случи со таа пратка“ се уште не е донесена, пренесува Ројтерс.
Администрацијата на САД ја запре испораката на околу 3.500 бомби во Израел минатата недела поради загриженоста за најавената копнена офанзива на Рафах, објави претходно денеска Асошиејтед прес, повикувајќи се на неименуван претставник од администрацијата.
Овој функционер појаснил дека не е донесена конечна одлука за испораката на бомбите и дека во суспендираната пратка имало 1.800 бомби од по 900 килограми и 1.700 бомби со тежина од 226 килограми.
Во понеделникот, израелскиот воен кабинет одлучи да ја спроведе планираната операција во Рафах за да „изведе воен притисок врз Хамас“, и покрај претходната најава на Хамас дека се согласува со египетско-катарскиот предлог за прекин на огнот.
Европа
Намалениот број на станови доведе до раст на кириите во Германија
Растат кириите во Германија поради немањето станови во услови на високи градежни трошоци и кредити. Сето тоа го запре градежниот сектор и побарувачката, но и ги намали цените на квадратот, се вели во извештајот на здружението на банките.
Становите во Германија поевтиниле за 4,3 отсто во првиот квартал во однос на истиот период лани, објави здружението на германските банки„Pfandbrief“.
Цените за изнајмување на нови станови се зголемени за 5,6 отсто. Трендот на поскапување на кириите нема да запре, оценуваат од здружението.
„Пазарот за изнајмување станови е под огромен притисок. Побарувачката значително ја надминува понудата“, рече извршниот директор на здружението, Јенс Толкмит.
Трошоците за изградба значително се зголемија во последните години поради повисоките каматни стапки на кредитите и значително повисоките трошоци за работна сила и цените на градежните материјали. Во вакви услови се намали бројот на одобренија за градба, а побарувачката ослабе, што резултираше со пониски цени на становите, смета министерот за финансии.
Според податоците на здружението на банките, цените на недвижностите најмногу паднале во Минхен, за 5,3 отсто.
Во исто време, падот на градежната активност го продлабочува „недостигот“ на станови, зголемувајќи го натамошниот раст на закупнината, кој би можел да продолжи уште некое време.
Здружението оценува дека цените на станбените недвижности треба да се стабилизираат во догледна иднина, за разлика од комерцијалните недвижности, како што се деловните згради и трговските центри.
Цените во тој сегмент паднаа за речиси 10 проценти на годишно ниво и се уште не се гледа „дното“, вели првиот човек на здружението.
Проценките се базираат на податоци за работењето на повеќе од 700 банки кои се активни во финансирањето на недвижен имот, а не на понуди за купување и изнајмување кои служат како основа за Заводот за статистика, забележуваат тие во здружението.
Европа
(Видео) Драма на небото над Трст: забележана несекојдневна појава
Во внатрешноста на заливот Трст, во близина на границата со Словенија, во вторникот попладне се формирал вител.
Италијанските медиуми јавија дека невремето не предизвикало материјална штета, ниту било закана за населението. Интервенцијата на пожарникарите и на пристанишните служби не била потребна.
Waterspout reported in the North Adriatic between the town of Muggia and Koper a few hours ago.
Original video shooting from meteoradar
➡️ https://t.co/SXbq5rbWaj pic.twitter.com/XxRu57Gohs— Alpine-Adriatic Meteorological Society (@aametsoc) May 7, 2024
Италијанската метеоролошка агенција објасни дека ваквите појави не се воопшто ретки и дека се резултат на екстремна нестабилност на атмосферата.
Областа на низок воздушен притисок, која владее со поголемиот дел од Италија, донесе влажни струи во Трстскиот Залив.
„Во овие временски услови, неколку пати годишно може да се појават воздушни вртлози, кои во повеќето случаи се распаѓаат на море“, објаснуваат италијанските метеоролози.