Македонија
Почна вакцинацијата, кастрацијата и чипирањето на бездомните кучиња во Гостивар
Денеска почна вакцинацијата, кастрацијата и чипирањето на бездомните кучиња фатени на подрачјето на општина Гостивар, со што Гостивар стана прва општина во Западна Македонија која презема вакви чекори за решавање на овој круцијален проблем, проект што ќе се заокружи со отворање шелтер-центар кај поранешната касарна на периферијата на градот Гостивар.
„Денес му направивме третман на првото куче кое е фатено денес на подрачјето на општина Гостивар од страна на екипата на ЈП ‘Комуналец’, при што се вакцинираше, кастрираше и му беше поставен микро-чип за идентификација. Во иднина ќе се потрудиме сите бездомни кучиња од подрачјето на општина Гостивар да ги донесеме тука за интервенција, а наскоро, веднаш по добивање дозвола за работа од страна на надлежното министерство, ќе го ставиме во функција и шелтер-центарот што се наоѓа кај поранешната касарна во Гостивар, којшто е целосно подготвен за работа“, изјави градоначалникот на општина Гостивар, Арбен Таравари.
Претседателот на Ветеринарната комора на Македонија, Томислав Николовски, нагласи, исто така, дека општина Гостивар е прва општина во Западна Македонија која зема за обврска системски да го реши проблемот со бездомните кучиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.