Македонија
Кривичен за најмногу 9 дена ќе одлучи дали Груевски дефинитивно ќе оди во Шуто Оризари
Во кривичниот суд во Скопје денеска пристигнало барањето за одложување на почетокот за издржување на затворската казна за осудениот Никола Груевски поднесен на 29 октомври од страна на петчлениот адвокатскиот тим на експремиерот. Согласно со Кривичниот законик, судијата за извршување на санкцијата по ова барање има рок од три дена да одлучи дали ќе го прифати или одбие барањето. Доколку тоа не биде прифатено, одбраната на Груевски има рок од нови 3 дена да поднесе жалба до Кривичниот совет, кој има уште 3 дена да се произнесе по новата жалба.
Одлуката на Советот е правосилна, односно тој решава дали поранешниот премиер ќе мора да замине во затвор до дадениот рок, кој завршува на 8 ноември. Претседателот на кривичен, Иван Џолев, рече дека го има на увид барањето, но не ги прочитал причините за кои Груевски бара одложување на извршувањето на казната.
Врховниот суд е последната шанса за обвинетиот Груевски целосно да не ја издржи казната затвор поднесувајќи вонреден правен лек, односно преиспитување на правосилната одлука, но ова не го одложува одењето во затвор. За ова тој ќе мора да почека да истече рокот за жалба на првостепената пресуда за „Тенк“ кој го има поранешната министерка за внатрешни работи Гордана Јанкулоска, бидејќи доказите против двајцата се наоѓаат во една иста папка која не може во исто време да се наоѓа и во Апелацискиот и во Врховниот суд. Јанкулоска пресудата за „Тенк“ во писмена форма ја добила на 22 октомври од кога тече рокот од 15 дена за поднесување жалба до второстепениот суд.
Претседателот на кривичен информираше дека како можна опција за да се избегне одолговлекување на постапката до Врховниот суд и за на Груевски да не му се ускрати правото на користење вонредни правни лекови, можно е да се направи копија од целиот предмет и со тоа да се овозможи папките со докази во исто време да се најдат и во рацете на второстепениот суд кој ќе треба да постапува по жалбата на Јанкулоска, како и пред врховните судии кои ќе треба да одлучуваат за барањето на Груевски.
Доколку Врховниот суд ја укине пресудата, предметот се враќа на повторено судење, а со тоа и се прекинува и издржувањето на затворската казна.
Виктор Јованов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.