Свет
Виетнамската партија јавно опомена академик поради неговите критики кон социјализмот
Виетнамската комунистичка партија јавно го критикуваше истакнатиот академик Чу Хао бидејќи тој објавил преводи на книги критички насторени кон социјализмот и еднопартискиот систем.
Чу Хao е поранешен заменик-министер за наука, а службите го обвинуваат дека тој ја злоупотребил својата позиција како директор на академска издавачка куќа со цел да објави преводи со навредлива содржина.
„Документите и доказите собрани од страна на Централниот истражувачки комитет покажуваат дека другарот Хao назадувал во својата политичка идеологија, моралот и начинот на живот“, соопшти партијата.
Виетнам со забрзани мерки ја реформираше својата економија во пазарна, но Комунистичката партија не е склона кон идеолошки критики.
„Хао сериозно ја прекрши партиската дисциплина, а напорите на партијата да изгради пазарна економија паралелно со социјализмот ги нарече нереални“, наведуваат партиските служби.
Со писмо од 26 октомври, Хao се откажа од членството во партијата и ги отфрли обвинувањата, притоа пишувајќи: „Тоа се неосновани и отровни обвиненија направени како закани кон мене и други кои имаат слични убедувања“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.