Свет
Мајките во Венецуела ги напуштаат своите деца поради сиромаштија

Според извештајот на Обединетите нации, Венецуела поминува низ една од најголемите хуманитарни кризи во светот.
Нивото на екстремна сиромаштија се зголеми за 40 отсто, сè поголем број деца умираат поради неухранетост, а милиони луѓе избегаа од земјата во последните две години, објави Би-би-си.
Многу светски политички експерти, но исто така и голем број граѓани на Венецуела за таквата состојба во земјата го обвинуваат претседателот на државата, Николас Мадуро. Но, неговите поддржувачи го тврдат спротивното, а за оваа хуманитарна криза ја обвинуваат опозицијата и светските „империјалните сили”, како што се САД, кои ѝ наметнаа тешки санкции на Венецуела.
Владимир Хернандез, новинар на Би-би-си, поминал извесно време во главниот град на Венецуела, Каракас. Тој смета дека економската криза најмногу ги погодила мајките и децата.
Храната за многу луѓе во Венецуела стана луксуз, често може да видите деца и возрасни како очајнички пребаруваат по ѓубрето за да најдат храна, вели Хернандез.
„Во засолништата за бездомници има сè повеќе деца. Нивниот број се зголеми за 40 до 50 отсто од почетокот на кризата. Оваа година е уште полоша. Во првата половина од 2018 година, бројот на напуштените деца дополнително се зголеми за дури 60 отсто”, рече Леонардо Родригез, шеф на засолништето Каса Дон Боско.
Во економската криза тешко им е и на идните мајки. Многу бремени жени решаваат да ги дадат своите деца на посвојување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во Албанија активни се 14 пожари, горат големи површини

Албанскиот министер за одбрана Пиро Венгу потврди дека во земјата 14 пожари се уште се активни и зафаќаат големи површини.
Во објава на социјалните мрежи, наведува дека во гаснењето на неколкуте големи пожар на југот на земјата, освен противпожарни единици, армиски, полициски сили и доброволци, вклучени се и хрватски и шведски авион „Канадер“.
Венгу додава дека се очекува пристигнување на два хеликоптери од воздухопловните сили на Обединетите Арапски Емирати, уште еден „Канадер“ од Грција и два хеликоптери од европскиот механизам од Чешка и Словачка.
Свет
Израелското преземање на Газа би предизвикало катастрофа, предупредува Советот за безбедност на ОН

Спроведувањето на израелскиот план за преземање контрола врз градот Газа на истоимената палестинска територија, каде што Израел војува речиси две години, се заканува да предизвика нова катастрофа што би се почувствувала во целиот регион, предупреди денеска високиот функционер на ОН Мирослав Јенча.
Јенча, заменик-генерален секретар на ОН за Европа, Централна Азија и Америка, на вонредната седница на Советот за безбедност на ОН во врска со овој план изјави дека во Појасот Газа се одвива хуманитарна катастрофа од големи размери.
Тој рече дека преземањето контрола врз градот Газа може да предизвика нова катастрофа во целиот Појас, предизвикувајќи понатамошно присилно внатрешно раселување и убивање цивили.
Израелскиот план беше остро осуден од претставникот на Словенија во Советот за безбедност и поранешниот министер за надворешни работи, Самуел Жбогар.
Во говорот во име на Данска, Грција, Франција и Словенија, тој рече дека секој обид за анексија, проширување на воените операции и кршење на меѓународното право дополнително ќе ги изложи на опасност сите цивили во Газа, вклучувајќи ги и преостанатите Израелци, заложници на милитантното исламистичко движење Хамас.
Свет
Силен земјотрес регистриран во западниот дел од Турција

Земјотрес со магнитуда од 6,1 степени е регистриран денеска во западна Турција во регионот Баликесир, соопшти Агенцијата за управување со катастрофи и вонредни состојби при Министерството за внатрешни работи на Република Турција (АФАД).
Земјотресот е почувствуван и во Истанбул и низ целиот регион на Мармара и Егејот.
Епицентарот на земјотресот бил на длабочина од 11 километри, на 52 километри од градот Баликесир.