Економија
Анѓушев: Решени проблемите на автопатот Кичево -Охрид, заштедени 95 милиони евра
По една година преговори помеѓу Владата и кинеската компанија „Синохидро“, главниот изведувач на работите на автопатската делница Кичево-Охрид, денеска на Владина седница е усвоeн анекс договорот бр. 3, преку кој се финализираат преговорите и се изнајде решение за сите проблеми наследени од претходната Влада.
Вицепремиерот за економски прашања, Кочо Анѓушев, на прес-конференција на која беа претставени детали како понатаму ќе се одвива изградбата на автопатот, истакна дека преку напорни преговори Владата успеа да договори многу пониски цени за дополнителните работи на автопатот Кичево-Охрид, при што ќе се заштедат 95 милиони евра од буџетот на Република Македонија.
„Денес на Владина седница го усвоивме третиот анекс на договорот за автопатот Кичево-Охрид со кој дефинитивно се решаваат сите проблеми во градењето и со кој очекуваме интензивно да продолжи изградбата на автопатот. Бевме соочени со веќе потпишан договор, кој беше со потешкотии во своето функционирање. Имавме две можности, едната да се прекине изградбата, со што ќе бевме принудени да ги вратиме средствата кои веќе беа потрошени за проектот, да останеме без автопат, како и да платиме сериозни пенали поради лошиот проект што беше усвоен од претходната Влада. Втората можност беше да се продолжи со изградбата на автопатот, но претходно да се доведе во технички и финансиски исправна состојба, за која се одлучивме како Влада“, започна Анѓушев.
Согласно со цените кои се наведени во основниот договор, вицепремиерот појасни дека вкупниот износ за дополнителни и непредвидени работи ќе изнесуваше 282 милиони евра, додека во процесот на преговарање беа постигнати значително пониски цени, чија вкупна вредност сега изнесува 187 милиони евра, или заштеда од 95 милиони евра, со намалување на цените.
„Само во деветте најзначајни позиции за изведбата на автопатот, кога ќе се споредат старите и новите цени, се доаѓа до заштеда од 60,2 милиони евра. Дека автопатот не бил добро испроектиран докажуваат повеќе проблеми. Еден од главните проблеми беа косините, кои за да бидат изведени согласно со геолошките услови потребни се дополнителни работи на околу 30 километри од патот и дополнителни трошоци од околу 70 милиони евра. Друг голем проблем беше тунелот, кој според планот требаше да се работи во карпа, што е реално полесно за изведување, додека ситуацијата на теренот покажа дека треба да се работи во земја од категорија 5 и 6. Тоа значи дополнителни зафати на 4 километри, метални конструкции, дополнителен бетон и челични потпори. На автопатот, просто да не се поверува, не беше планирана ниедна клучка, сите беа испуштени, значи мораше да се испроектираат 9 клучки, чија вредност изнесува околу 33 милиони евра. Ги оптимизиравме трошоците за да ги приклучиме сите населени места и аеродромот во Охрид на автопатот“, нагласи Анѓушев.
Министерот за транспорт и врски, Горан Сугарески, истакна дека оваа Влада ниту ја договараше изградбата, ниту го избра изведувачот, ниту ја згреши проектната документација, во вакви околности беше принудена, народски кажано, да вади „костени од оган”. Тој подвлече дека Владата сторила сè што било во нејзина надлежност за да се заштитат интересите на граѓаните.
„Мораше сериозно да пристапиме кон решавање на овие проблеми и конечно да добиеме квалитетни решенија со кои ќе го изградиме овој автопат по стандарди како што налага градежништвото. Со aнексот што помина на денешнава седница и набрзо ќе се најде и во Собрание, изведувачот се согласува да изгради 9 клучки кои претходно не беа предвидени, како и алтернативен пат од Пресека до Арбиново како составен дел на овој проект. Исто така, изведувачот ќе ги изведе и сите дополнителни работи во тунелот Пресека, сите пропусти за вода на целата траса, како и ископите за стабилизација на косините и санација на свлечиштето на целата траса. Откако овој aнекс ќе влезе во сила, изведувачот има рок од 28 дена да изготви детална програма за работа според реалните услови на терен согласно со договорените позиции“, нагласи Сугарески.
Министерот за финансии, Драган Тевдовски, појасни дека согласно со Законот за јавен долг, овој анекс треба да се усвои од Собранието, а потоа ќе се аплицира со барање за кредит до кинеската банка, а по позитивен одговор од нивна страна, Собранието преку усвојување закон ќе го одобри ова задолжување. Тој потсети дека претходниот кредит од „Ексим банка“ е со фиксна каматна стапка со 2%, со 20 години рок на плаќање и 5 години грејс-период.
Директорот на Јавното претпријатие за државни патишта, Зоран Китанов, истакна дека сè она што се правеше изминатата година требало да биде завршено уште претходно со основниот проект.
„Најважно е да продолжиме со градежните работи и уште повеќе да се ангажираат градежните компании. Следува напорен период на изградба и решавање на проектни задачи. Во поглед на експропријација на земјиштето, денес е решена 98% на постојната траса, може да ни се случат нови случаи на експроријации на дополнителните работи, но верувам дека ќе ги решаваме експедитивно“, додаде Китанов.
Вицепремиерот Анѓушев оддаде благодарност до вработените во Министерството за транспорт врски, Јавното претпријатие за државни патишта, како и на професорите од Градежниот факултет и австриската консултантска компанија IC Consulting, кои неуморно работеа за да биде постигнат овој договор.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Божиновска меѓу енергетските лидери на P-TEC форумот во Атина: фокус на новата трансатлантска соработка
Во Атина денес официјално започна Шестото партнерство за трансатлантска енергетска соработка (P-TEC)– глобален форум што ги обединува енергетските министри од 25 земји од Европа и Северна Америка, посветен на унапредување на енергетската безбедност и стратешките инфраструктурни проекти.
По покана од американскиот секретар за енергетика Крис Рајт и грчкиот министер за енергетика Ставрос Папастравру, министерката Божиновска присуствуваше на свеченото отворање на форумот и потпишувањето на новиот договор за соработка меѓу САД и Грција.
Форумот, кој ги обединува енергетските министри од 25 земји од Европа и Северна Америка, претставува водечка платформа за дијалог за енергетската безбедност, диверзификацијата на изворите и стратешките инвестиции во регионот.
На настанот беше потпишан стратешки енергетски договор меѓу ExxonMobil, Energean и Helleniq Energy, кој предвидува 60% инвестициски удел во истражувањето на гасното подрачје „Block 2“во Јонското Море, северозападно од Крф.
Со овој потег, САД и Грција ја отворија новата фаза на билатерална енергетска соработка, вредна меѓу 50 и 100 милиони долари, насочена кон засилување на регионалната безбедност и диверзификација на европскиот пазар.
Во своето обраќање, грчкиот министер за енергетика Папастравру ја спомена Северна Македонија како пример за успешна и стабилна регионална соработка, истакнувајќи дека заедничките енергетски проекти со Македонија се модел за доверба и интеграција во југоисточна Европа.
Вчера вечер, министерката Божиновска по посебна покана на новоименуваната амбасадорка на Соединетите Американски Држави во Атина, Кимберли Гилфојл, присуствуваше и на приемот во чест на американскиот секретар за енергетика Крис Рајт и секретарот за внатрешна безбедност Даг Бургам, организиран во Амбасадата на САД во Атина.
Настанот беше од висок дипломатски карактер, на кој присуствуваа американската делегација, европски министри и претставници на водечки енергетски компании, со цел зајакнување на трансатлантското партнерство и инвестициите во чиста енергија и инфраструктура.
Форумот P-TEC, кој се одржува во Zappeion Megaron, оваа година собра над 400 високи претставници од 25 држави, и потврди дека енергетската соработка меѓу Европа и САД станува стратешка оска на стабилност и развој во регионот.
Присуството на Македонија на вакви форуми е потврда дека нашата земја се движи рамноправно со европските и трансатлантските партнери во новата енергетска ера, соопштија од министерството.
Економија
Бизнис-форумот Грција – Северна Македонија ги поттикнува економските врски
Повеќе од 60 компании од Грција и од Северна Македонија се собраа денес во Стопанската комора на Северна Македонија на бизнис-форум на високо ниво наменет за продлабочување на економската соработка. Настанот, коорганизиран од грчката амбасада во Скопје и од Стопанската комора на Северна Македонија, овозможи повеќе од 200 B2B (бизнис-до-бизнис) средби.
Форумот го отворија Бранко Азески, претседател на Стопанската комора на Северна Македонија, и Софија Филипиду, амбасадорка на Грција. Во своето воведно обраќање амбасадорката Филипиду нагласи дека овој форум претставува извонреден пример за тоа како две соседни земји, кои имаат толку многу заедничко, може да ги развиваат и продлабочуваат економските врски во корист на двете економии.
Високата посетеност и значајниот број на денешните B2B средби јасно укажуваат на интересот да се премине од дискусија кон конкретни акции.
Делегацијата ја сочинуваа високи претставници од Атинската стопанска и индустриска комора (ACCI), Хеленската федерација на претпријатијата (SEV), Асоцијацијата на грчките извозници (SEVE) и Enterprise Greece. Грчките компании што учествуваа на форумот претставуваа клучни економски сектори, меѓу кои градежништво и градежни материјали, енергетика, фармацевтски производи, храна и информатичка технологија.
Економија
Од клик до осигурителна полиса – онлајн без чекање
Денес, да се избере осигурителна полиса не мора да значи долги редици, хартија и чекање. Минт Инс како осигурителен брокер им нуди на своите клиенти достапност на начин најдобар за нивните потреби и тоа не само во нашите филијали, туку и целосно онлајн преку Минт Инс веб страната или Mint App мобилната апликаија.
Со Минт Инс, осигурувањето е во тек со дигиталната ера – брзо, транспарентно и достапно за секого, во секое време. Добијте понуда и склучете осигурителна полиса онлајн.
Зошто да склучите осигурителна полиса онлајн?
Со склучувањето на осигурителна полиса онлајн склучување на полиса онлајн, целиот процес на осигурување се олеснува: од пребарување и споредба на понуди, до склучување и следење на вашите полиси.
Преку Минт Инс осигурителен брокер, имате можност:
• Да побарате понуда за осигурување онлајн преку нашата веб-страна или мобилната апликација Mint App за различни видови осигурувања.
• Да добиете пристап до понуди од повеќе осигурителни компании.
• Да ја склучите полисата онлајн со само неколку клика.
• Да ја следите и проверувате состојбата директно од апликацијата во секое време.
Целиот процес е дизајниран за брзина и едноставност – без непотребни чекори, без чекање.
Како осигурителните полиси достапни онлајн го олеснуваат процесот?
Можноста да склучите осигурителна полиса онлајн значи дека целата постапка – од добивање понуда, до плаќање – се одвива дигитално. Ова не е само дигитализација на стар процес. Ова е нов начин на размислување.
Минт Инс е осигурителен брокер кој не само што ги поврзува корисниците со повеќе осигурителни компании, туку им дава и целосна контрола врз нивните полиси преку нашата веб страна и мобилната апликација Mint App.
Со Mint App, сè е на вашиот телефон: избирате вид на осигурување кое ви одговара, добивате понуда според вашите потреби, ја склучувате полиса и ги имате информациите за истата достапни во апликацијата.
Брзина
Нема повеќе чекање во ред, нема повици до осигурителни агенти. Нема повици, нема чекање. За неколку минути аплицирате за својата осигурителна полиса онлајн, без разлика дали сте дома, на работа или на патување.
Едноставност
Процесот е дизајниран така што секој може да го користи – без техничко знаење, без сложени чекори. Интерфејсот и на Минт Инс веб-страната и на Mint App е јасен и интуитивен. Сè што ви треба е достапно на едно место.
Заштеда на време
Времето е највредниот ресурс денес. Со Минт Инс, добивате осигурување на начин кој вас ви одговара, од компјутер, таблет, мобилен, или во канцеларија. Нашата цел е да го направиме начинот на добивање понуда значително пооелеснителен за нашите клиенти.
Целосна транспарентност
Повеќе нема скриени детали или нејасни услови. Нашите брокери Ви помагаат да изберете најсоодветна понуда од различни компании, така што секогаш го добивате најповолното решение за вас.
Минт Инс – Повеќе од осигурителен брокер
Повеќе нема потреба да го одложувате осигурувањето затоа што „немате време“. Минт Инс е тука за да ви заштеди време, да ја поедностави процедурата и да го направи осигурувањето – конечно – современо.
Зад Минт Инс стои тим од лиценцирани брокери со долгогодишно искуство, кои ја комбинираат експертизата од осигурителниот сектор со современа технологија. Резултатот е систем кој е:
• брз и сигурен,
• едноставен за користење,
• достапен 24/7,
• и создаден за вистинските потреби на клиентите.
Покрај тоа, Минт Инс нуди постојана корисничка поддршка и советување, така што секогаш можете да добите професионален совет пред да ја склучите вашата полиса.
Какви видови осигурувања можете да добиете преку Минт Инс?
Преку Минт Инс можете да склучите осигурителна полиса за следните видови на осигурувања:
• Животно осигурување
• Патничко осигурување
• Авто-одговорност осигурување
• КАСКО осигурување
• Зелен картон
• Имотно осигурување
• Осигурување од Општа и Професионална Одговорност
• Осигурување од последици од несреќен случај
• ЦМР осигурување
• Дополнително Здравствено Осигурување
• Осигурување ДОМ
• И сите останати видови на осигурувања
Секој вид на осигурување има различни карактеристики. Сѐ што треба да направите е да нè контактирате, и ние ќе ви изработиме персонализирана понуда, прилагодена на вашите потреби.
Минт Инс – Брзо, едноставно и без чекање.
Секоја осигурителна полиса склучена онлајн преку Минт Инс е чекор напред кон нов начин кој штеди време, нуди транспарентност и носи сигурност. Со само неколку клика, можете да добиете осигурителна полиса онлајн, да ја плаќате на рати, да ја следите состојбата и да имате целосна контрола.
Ако барате брзина, едноставност и заштеда на време, тогаш Минт Инс е вистинскиот избор за вас. Дополнително, преку Mint App, Минт Инс го поедноставува процесот на склучување на осигурување.
Посетете ја веб страната Минт Инс или преземете ја Mint App, добијте понуда за неколку минути, и склучете осигурителна полиса онлајн – брзо, едноставно и без чекање.
ПР
Турчин фатен со злато вредно половина милион денари на аеродром, Македонец од Лондон шверцувал „Епл“ уреди
Царински службеници и мобилни царински тимови запленија 92 грама златни плочки и монети, „Епл“ уреди, 37.500 евра, цигари, парфеми и...
Откриен еден од убијците во Чашка, по вториот се трага – жртвата намамена, застрелана во глава и оставена покрај пат
Велешкото Обвинителство донесе Наредба за истражна постапка против едно лице за кое постои основано сомнение дека бил соизвршител за убиство....
(Видео) Заплови „Фуџијан“, најновиот и најмоќен кинески носач на авиони
Најновиот кинески носач на авиони „Фуџијан“ официјално е пуштен во служба, што претставува значаен чекор во напорите на Пекинг да...
„Влен“: Почна вистинското чистење на Скопје од ѓубрето и старата политика
По месеци на давење на градот во лоша миризба, ѓубре, запуштеност и пропаганда, од коалицијата „Влен“ велат дека почнало вистинското...
Албанија усвои закон за родова рамноправност по бурна расправа
Албанскиот парламент доцна синоќа го усвои Законот за родова рамноправност, по повеќечасовна и остра дебата. Законот беше изгласан со 77...
Сенатот ја блокира резолуцијата што ќе го спречеше Трамп да ја нападне Венецуела
Републиканците во американскиот Сенат ја блокираа резолуцијата што ќе му забранеше на претседателот Доналд Трамп да ја нападне Венецуела без...
Променливо облачно време со повремени локални врнежи од дожд
Времето денес ќе биде променливо облачно со повремени локални врнежи од дожд, особено во северозападните и северните делови. Ќе дува...
Мицкоски: Македонија останува посветена на европскиот пат, но без двојни стандарди и политички притисоци
Македонија останува посветена на европскиот пат, но без двојни стандарди и политички притисоци, изјави премиерот, Христијан Мицкоски. Тој вели дека...
Со букет цвеќе Ѓорѓиевски ја испрати Арсовска и ја презема градоначалничката функција
Со куса средба и букет свежо цвеќе заврши примопредавањето на должноста градоначалник на Град Скопје меѓу досегашната градоначалничка Данела Арсовска...
Јаневска ќе ја почитува одлуката на Мицкоски доколку реши да ја смени
Министерката за образование и наука Весна Јаневска одговарајќи на новинарско прашање, дали доколку има реконструкција на владата таа ќе остане...
(Видео) Мицкоски ќе ја реконструира партијата, па потоа Владата: Фокусирани сме на партискиот конгрес на 6 декември
Реконструкција на Владата нема да има пред партискиот конгрес на владејачката партија ВМРО-ДПМНЕ, кој е закажан за 6 декември. Премиерот...
Бомба најдена во автомобил во гаража во Скопје, сопственикот на возилото добил заканувачка порака, МВР влегло во објектот
Ноќеска, околу 1 часот по полноќ, непознато лице влегло во гаража од семејна куќа во скопската населба Бит-пазар, во сопственост...
„Скопје го менуваме од корен“: Ѓорѓиевски го презеде раководењето со Градот
Новиот градоначалник на Скопје, Орце Ѓорѓиевски, денеска го прими уверението и најави дека од вечерва почнува акцијата за чистење на...
(Видео) Николоски: Го потпишавме договорот за изградба на заедничкиот пограничен тунел со Бугарија, железничкиот Коридор 8 има стратешко, економско и безбедносно значење за Балканот и Европа
Железничкиот Коридор 8 е еден од најважните трансевропски транспортни коридори, кој има стратешко, економско и геополитичко значење за целиот Балкан...
(Видео) ДИК ги објави конечните резултати од вториот круг на локалните избори
Државната изборна комисија (ДИК) на денешната седница ги објави конечните резултати од вториот круг на локалните избори 2025 година за...
АХВ заплени небезбедна храна со непознато потекло по спроведен вонреден инспекциски надзор
По добиена пријава, со интервенција од Единицата за економски и компјутерски криминал при СВР Скопје, Агенцијата за храна и ветеринарство...
Црна Гора сè поблиску до Европската Унија: познат е можниот датум за влез
Црна Гора го доби својот најповолен извештај за напредокот во европската интеграција откако ги започна преговорите за пристапување со Европската...
Пронајдено безживотно тело на млада жена во Тетово, Обвинителството изврши увид
Дежурен јавен обвинител од Основното јавно обвинителство Тетово вчера изврши увид на лице место на локацијата каде беше пронајдено безживотно...
(Видео) Украина нападна клучна рафинерија длабоко во Русија, се шират снимки
Украинските војници наводно нападнале и оштетиле руска рафинерија за нафта во Волгоград преку ноќ, додека експлозии потресле неколку други енергетски...
Израелски заложник за држењето во Газа: Бев гол, само му се молите на Бога да престане
Ром Браславски, неодамна ослободен израелски заложник, тврди дека бил подложен на „ужасна“ и понижувачка сексуална злоупотреба додека бил во заробеништво...
