Македонија
(Видео) Владата брифира за планот 18, се чекаат забелешките од опозицијата
Правосудниот систем, безбедносно-разузнавачките служби, јавната администрација и борбата против организираниот криминал и корупцијата се во фокусот на реформите во владиниот план 18 за приближување кон Европската Унија. Планот 18 претставува продолжение на реформите што беа спроведувани со планот 3-6-9.
По тој повод средба со новинарите одржаа премиерот Зоран Заев, вицепремиерот за евроинтеграции, Бујар Османи, министерот за внатрешни работи, Оливер Спасовски, министерката за правда, Рената Дескоска, и министерот за администрација, Дамјан Манчевски.
На брифингот премиерот Заев во своето воведно обраќање го елаборираше политичкиот контекст за реализација на мерките од итните реформи од овој пакет и нагласи дека двотретинското мнозинство во Собранието за отворање на Уставот е израз на зрелоста на политичките претставници на граѓаните, со искрена надеж и уверување дека процесот ќе се заврши успешно, навремено и со најширока можна политичка и граѓанска поддршка.
Вицепремиерот за евроинтеграции, Бујар Османи, посочи дека очекува забелешки и од опозицијата за реформите.
„Лично остварив средба со опозициската ВМРО-ДПМНЕ за овој план, но досега немам добиено писмени забелешки од опозицијата“, рече Османи. Тој потенцираше дека освен препораките на ЕК во утврдувањето на мерките и законските решенија од пакетот План 18 се земени и препораките од ОБСЕ, ГРЕКО Венецијанската Комисија и од други експертски меѓународни институции.
Запрашана за реформите во судството, министерката за правда, Рената Дескоска, се осврна и на специјалното јавно обвинителство за кое, како што рече Дескоска, има две можни сценарија – или да биде дел од Основното јавно обвинителство или подетаљно да му се регулира статусот. Во врска со уставниот закон, Дескоска рече дека тој ќе треба практично да ги операционализира амандманите. Во однос на Изборниот законик, Дескоска изјави дека тој ќе биде пуштен во собраниска процедура кога ќе добијат одговор од опозицијата за изработената верзија.
Во делот на реформските мерки од Планот 18 што во надлежност на МВР, министерот Спасовски се задржа на реформите на Управата за безбедност и контраразузнавање и го издвои доследното спроведување на целиот пакет мерки кој се однесува на целосна операционализација на Оперативно техничката агенција (ОТА).
„Реформите за безбедност и контраразузнавање не оставаат простор за злоупотреба. Со оваа реформа, надворешните механизми за контрола врз безбедносните служби се зајакнати, додека ПИМ мерките нема да бидат на располагање на МВР и УБК, освен доколку тоа не е во законска и пропишана постапка која има свој пишан траг“, нагласи Спасовски.
Четвртиот кластер реформски мерки од Планот 18 ги опфаќа системските измени во јавната администрација. Министерот Манчевски фокусот на своето излагање го стави на деполитизација на јавната администрација – почитување на принципот на заслуги (мерит систем) и прекинување на праксата на времени вработувања, на изработка на концептот за воведување на категоријата високи државни службеници (ВРС), како и процесот на реорганизација, оптимизација на органите на државна управа, агенции и инспекциски служби на централно ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Груевски ѝ ја честита победата на ВМРО-ДПМНЕ: „Мнозинството ги казни политиките што ги постави Заев“
Експремиерот во бегство, Никола Груевски, им ја честита победата на парламентарните и на претседателските избори на своите поранешни сопартијци коментирајќи дека мнозинството ги казни политиките што ги постави Зоран Заев, а очекувањата на народот не смее да бидат изневерени.
„Судбината сакаше на Денот на победата над фашизмот, одбележувајќи го големиот пораз на фашизмот во 1945 година, да ги поздравам големиот пораз на СДСМ и убедливата победа на ВМРО-ДПМНЕ на изборите одржани вчера, како на парламентарните така и на претседателските избори.
Вчера, иако со поголемо задоцнување, убедливото мнозинство жестоко ги казни и порази политиките на СДСМ, кои ги постави Зоран Заев, а ги следеа неговите слепи послушници.
Политики полни со национални предавства, криминали, длабока корупција и лично богатење на грбот на граѓаните, секојдневни лаги и манипулации, злоупотреби, политички прогони на неистомислениците, нефункционалност на државните институции и нивно ставање во лична полза, како и неспособност од големи размери.
Политики што Македонија ја уназадија во секој поглед, неповратно иселија огромен број граѓани и ја доведоа земјата во позиција на потчинетост пред негаторите на нацијата и на македонскиот идентитет, јазик, историја, име, националност и посебност. Политики со кои Македонија беше константно 7 години економски уништувана, осиромашувана, ограбувања и морално пропаѓана. ВМРО-ДПМНЕ доби голема подршка од граѓаните.
Честитам!
Но, и голема обврска пред народот и големи очекувања и надеж кај нив, кои не смее да се изневерерат.
Со среќа!
И со ум!“, напиша Груевски.
Македонија
ВМРО-ДПМНЕ ги постави контурите за коалирање со партиите – во фокусот се три точки
Претседателот на ВМРО-ДПМНЕ, Христијан Мицкоски, информира дека претпладнево одржал состанок, на кој биле поставени контурите на рамката врз која ќе го градат коалицискиот потенцијал со другите партии.
Фокусот ќе бидат луѓето на прво место, вели Мицкоски.
Трите значајни точки врз кои ќе почиваат преговорите за коалициските партнери во новата влада се: економски силна држава преку реформи и чекори, кои ќе бидат жестока битка за повисок животен стандард; фронт против криминалот и корупцијата и постигнување правда; реализација на стратешкиот интерес за европски интеграции преку дијалог и исполнување принципи.
Мицкоски рече дека очекувањата се големи, а одговорноста кон народот уште поголема.
Партискиот лидер уште пред изборите најави дека ВМРО-ДПМНЕ планира да коалира со албанскиот опозициски блок „Вреди“, а не со ДУИ, а за која партијата смета дека треба да замине во опозиција.
Македонија
АРМ во Охрид ќе реализира показна вежба: ќе бидат употребени атрифиции, средства за звучни ефекти
Секторот за внатрешни работи Охрид ги известува граѓаните на Охрид дека утре во периодот од 10.00 до 12.00 часот во водите на Охридското езеро во близина на центарот за обука на вода во Охрид, припадниците на Баталјонот на специјални сили на Армијата на РСМ ќе реализираат показна вежба – препад на пловен објект.
За време на вежбата ќе бидат употребени атрифиции, средства за звучни ефекти и друга опрема што ја користи Армијата.
СВР Охрид, ги известува граѓаните дека, во врска со оваа активност, денеска во периодот од 13 до 15 часот, припадниците на Баталјонот на специјални сили на Армијата на РСМ, на истиот простор ќе изведат подготвителни активности со цел, успешна реализација на утрешната показна вежба.