Македонија
(Видео) Спасовски: Предложените законски измени, пред сè, се плод на барањата и на потребите на граѓаните

Министерот за внатрешни работи, Оливер Спасовски, за време на својата денешна изјава за медиумите информира за новите предлог-законски измени што тие ги предложиле и кои се подготвени да влезат во собраниска процедура. Спасовски посочи дека овие измени се дел од неколку важни подрачја што ја засегаат не само сферата на сообраќајот, туку екологијата.
„Пред да дадам кусо појаснување на најбитните новини што ги носат предложените законски измени, сакам да потенцирам дека тие, пред сè, се плод на барањата и потребите на граѓаните. Имено, сите сме свесни дека сообраќајот, особено во главниот град, по својот обем фактички е еден од причинителите на загадување на воздухот, така што со измените што сакаме да ги воведеме во делот од Законот за возилата во голема мера ќе се направи квалитетен исчекор во поглед на превенција од аерозагадување. Не само во смисла на воведување т.н. еколошки налепници за категоризација на возилата визави-употребата и квалитетот на горивата што ги користат, туку и во смисла на нивно користење во содветно дефинирани еколошки зони, но и не помалку важно – воведување нови поквалитетни решенија во системот за инспектирање и издавање АДР-сертификати на возила за превоз на опасни материи“, рече Спасовски.
Од почетокот на идната година, како што посочи министерот за внатрешни работи се планира, оние досегашни налепници што се издаваат при регистрација на возилата повеќе да не се издаваат, односно тие ќе бидат надвор употреба.
„Исто така, сметам дека од голема важност се и измените што ги планираме во регистарот за возила, односно проширување на опсегот на податоци од евиденцијата на моторни возила, а во насока на подетаљно прецизно следење на целиот процес на експлоатација на возилото од негово производство, односно влез во РМ, па сè до неговата крајна експлоатација. Истовремено, тоа ќе значи создавање исцрпна база на податоци за возила од интерес на инситуциите“, вели Спасовски.
Во дел од измените Спасовски посочи дека тие излегле и во пресрет на барањата на такси-здруженијата, пред сè, за воведување т.н. жолти регистарски таблички, со што многу поефикасно ќе се идентификуваат легалните такси-возила во однос на другите таканаречени диви таксисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Цените повторно растат, а Владата реши да ги покачи платите само на функционерите, велат од СДСМ

Македонија повторно се соочува со огромен раст на цените и инфлацијата, а Владата реши да ги покачи платите на функционерите. За работниците и граѓаните, повторно нема ништо. Според последните податоци од Државниот завод за статистика, годишната инфлација во мај 2025 изнесува 3,3%, што е скок во споредба со април, кога беше 2,6%. Дополнително, месечната инфлација од 1,5% е највисока оваа година, велат од СДСМ.
„Ова значи едно, животот е сѐ поскап, а власта нема ниту план, ниту капацитет да го заштити стандардот на граѓаните. Но, секако, има добар план да си ги покачува сопствените плати.
СДСМ повеќепати предупредуваше: цените растат и ќе продолжат да растат ако не се преземат мерките кои ги понудивме. Мицкоски се обидува да ги убеди граѓаните дека платите им растеле, но факт е дека единствено растат платите на неговите во Владата и институциите, додека народот едвај преживува“.
Оваа влада, додаваат од опозициската партија, нема економска визија, нема стратегија и нема емпатија. Оваа влада, според СДСМ, има само лични интереси и работи само за себе, и за никој друг.
СДСМ бара итна интервенција, конкретни мерки за заштита на стандардот, а не како што велат, лажни ветувања и манипулации.
„Граѓаните не може повеќе да бидат жртви на неспособноста и ароганцијата на оваа власт“.
Македонија
Без струја делови од неколку скопски општини

Од ЕВН Македонија АД известуваат дека поради технички зафати во електродистрибутивната мрежа денеска ( Вторник ) без електрична енергија ќе останат:
· во период од 09.00 до 10.00 часот, корисниците од ул. 20 во С.Бразда ( општина Чучер Сандево )
· во период од 09.00 до 12.00 часот,корисниците од ул 10 и дел од ул.134. ( општина Сопиште )
· од 09.00 до 14.00 часот, дел од корисниците на ул.Иван Цанкар. ( општина Карпош)
· од 11.30 до 15.30 часот, дел од корисниците на ул.101 во село Волково( општина Ѓорче Петров )
· и од 12.00 до 15.00 часот, корисниците околу ресторан Теферич и дел од ул.Мариовска( општина Кисела Вода )
Македонија
Сончево со мала до умерена облачност, попладне со услови за краткотраен дожд и грмежи

Времето денеска, сончево со мала до умерена облачност. Попладне ќе има услови за локален развој на нестабилна облачност со краткотраен пороен дожд и грмежи. Ќе дува слаб ветер од променлив правец. Минималната температура ќе биде во интервал од 10 до 18, а максималната ќе достигне од 26 до 34 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 15, а максималната ќе достигне до 32 степена.
Во среда во попладневните часови ќе има развој на нестабилна облачност со локален пороен дожд и грмежи. Потоа ќе преовладува претежно стабилно време, а дневните темпетаури ќе бидат без значителни промени.