Македонија
Изменет сообраќаен режим во повеќе делови на Скопје
Од Град Скопје информираат дека во текот на денот, поради одржување на две манифестации, ќе се воведе привремен сообраќаен режим на повеќе сообраќајници во разни периоди од денот.
Во периодот од 12 до 12:30 часот, поради одржување на манифестацијата „Скопје на точак 2018“, ќе се воведе сообраќаен режим на сообраќајниците по кои ќе се одвива велосипедското дефиле, информираат од Град Скопје.
„Возењето велосипед ќе се одвива по булеварот Илинден, од фонтаната ‘Лотосов цвет’ до крстосницата со улицата Љубљанска (кај ТЦ ‘Скопје сити мол’), потоа по улицата Љубљанска и улицата Московска (студентски дом ‘Гоце Делчев’). Возењето понатаму продолжува по булеварот Митрополит Теодосиј Гологанов, преку улицата Димитрие Чуповски и улицата 11 Октомври, до крстосницата со булеварот Кочо Рацин. Карванот продолжува по булеварот Кочо Рацин, булеварот Крсте Петков Мисирков, кај ТЦ ‘Мавровка’ продолжува по булеварот Гоце Делчев и завршува на булеварот Илинден кај фонтаната ‘Лотосов цвет’ во Градскиот парк“, се наведува во соопштението на Град Скопје.
Наведените улици, информираат од Градот, ќе бидат користени 30-ина минути и ќе бидат пртивремено затворени кога ќе се движи карванот, со исклучок на булеварот Илинден, кој на потегот од фонтаната „Лотосов цвет“ до крстосницата со улицата Франклин Рузвелт ќе биде целосно затворен за сообраќај во периодот од 11:45 до 12:10 часот.
Во дадениот период автобусите што ги опслужуваат линиите со број 8 и 15а ќе бидат пренасочени по булеварот Партизански одреди и улицата Франклин Рузвелт и понатаму продолжуваат по своите траси, додаваат оттаму во соопштението.
Вториот настан в недела е одржувањето на атлетската трка „13 Ноември“ поради која ќе се затворат неколку сообраќајници во централното градско подрачје, и тоа во периодот од 15 до 16 часот. Трката ќе се одвива по следната траса: улица Филип Втори Македонски од хотелот „Холидеј ин“ до крстосницата со улицата 11 Октомври, по улиците 11 Октомври и Димитрие Чуповски до крстосницата со улицата Даме Груев (кај ТЦ „Палома бјанка“). И поради овој настан, ќе има пренасочување на сите автобуски линии што поминуваат на овој потег, велат од Град Скопје.
„Во дадениот период автобусите што ги опслужуваат линиите со број 50 ,57 и 59 од Бит-пазар, ќе се движат право по булеварот Кочо Рацин (‘Југодрво’), улицата Кирил и Методиј (‘Рамстор’) и ќе продолжат по својата траса. Во обратна насока ќе се движат по улицата Даме Груев зад Собранието, улицата 11 Октомври, булеварот Кочо Рацин и продолжуваат по своите траси. Автобусите што ги опслужуваат линиите со број 3, 3а, 3б, 4, 4а, 5, 7, 15, 15а, 21, 22, 23, 24, 25, 25а и 27, ќе се движат по булеварот Кочо Рацин, улицата Кирил и Методиј (ТЦ ‘Рамстор’) и ќе продолжат по своите траси. Во обратна насока ќе се движат по улицата Даме Груев, зад Собранието на РМ и ќе продолжат по своите траси. Автобусите што ја опслужуваат линијата со број 16 од Бит-пазар, ќе се движат право по булеварот Кочо Рацин (‘Југодрво’) и ќе продолжат по својата траса и во двете насоки. Во дадениот период автобусите што ја опслужуваат линијата со број 17, ќе бидат пренасочени преку булеварот Кузман Јосифовски – Питу, по булеварот Крсте Мисирков и ќе продолжат по својата траса“, се наведува во соопштението на Град Скопје.
Од Градот преку своето соопштение ги повикаа сите ученици во сообраќајот да се придржуваат кон регулирањето на сообраќајот од униформирани полициски службеници или други овластени службени лица, како и кон привремено поставениот режим на сообраќај, и брзината на возење да ја приспособат на условите на патот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почнува откупот на тутунот
Привршуваат подготовките за стартот на откупот на тутунот, кој законски почнува од 15 ноември и трае до 28 февруари наредната година.
Според Кире Ристески, претседател на Сојузот на земјоделските здруженија, останува 10-те откупувачи кои треба да преземат околу 22 000 тони тутун да ги верификуваат мострите, да ги истакнат на 17 ноември, и од 18 ноември да ги отворат вратите на откупните пунктови во земјава.
„Од понеделник почнуваат да се верификуваат мосттрите тутун во Институтот за тутун во Прилеп. Тоа ќе трае до петок, 14 ноември. Од понеделник, 17 ноември, откупните компании ќе може да ги подигнат и на 18 ноември може да ги отворат пунктовите. Ние како Сојуз сме подготвени да почне откупот на тутунот. Имаме капацитет, односно повереници, за да ги покриеме сите ваги, а годинава во земјава се 337 откупни ваги што е најмногу досега, така што се очекува тутунот да се купи што побрзо и со добар квалитет“, изјави Ристески.
Сојузот сѐ уште преговара за повисоки цени, но Ристески смета дека тутунот ќе биде подобро платен од лани.
„Со компаниите преговараме, но може да тврдам дека поради високиот квалитет на тутунот ќе биде подобро платен од ланската реколта“, смета Ристески.
Поради сушата родот е намален. Откупувачите очекуваа 26 000 тони, но реколтата може да тежи најмногу до 22 000 тони, сметаат од Сојузот.
Јусуф Ибраими, тутунопроизводител од долненското село Житоше со нетрпение чека да почне откупот на тутунот. Има околу 3,5 тони квалитетен род кој, се надева, ќе постигне повисока цена, иако сушата ги намали приносите.
„Иако ги зголемивме површините годинава, сушата во летото го зеде данокот. Малку се подобри ситуацијата, за 10-ина проценти, со дождовите во септември и родот ми е околу 3,5 тони. Очекувам да постигнам повисока цена од ланската“, рече Ибраими.
Со неодамнешните измени во Законот за тутун, се забранува увоз на тутун во текот на откупната кампања, од 15 ноември до 28 февруари.
Македонија
Таткото на едно од девојчињата загинати со „Пулс“ објави видео од нејзиното последно излегување од дома
Александар Наунов, таткото на трагично загинатата Надица, една од 63-те жртви во пожарот во дискотеката „Пулс“ во Кочани, сподели видео од нејзиното последно заминување од дома — момент кој, како што напиша, засекогаш му го променил животот.
„Последното затворање на вратата
Тоа беше обично затворање на врата…
Но за мене – тоа беше последниот здив на мојот свет.
Моето дете, мојата Надица, ја затвори вратата со насмевка,
а јас не знаев дека зад неа ќе остане нејзиниот живот,
заробен во пламен, во неправда, во тишина што нема крај.
Наместо да ја чекам со внуци во прегратка,
јас ја чекам во соништата – таму каде што не гори.
Наместо нејзиниот глас, слушам ехо од болка,
наместо чекори по ходникот – тишина што ме гуши.
Помина време, но не и мојата болка.
Надица, ти остана вечна во моето срце,
во секоја свеќа што ја палам, во секоја солза што не престанува.
Твоето име ми е молитва, твојот лик – вечна светлина.
И додека светот заборава, јас ќе живеам за да те паметам“, напиша Наунов.
Потресната порака на таткото ја проследи со видеоснимка направена неколку часа пред трагедијата, на која неговата ќерка се гледа како заминува од домот со насмевка.
Македонија
Сообраќајка го затвори патот Струмица – Ново Село
Сообраќајот на магистралниот пат А4, Струмица – Ново Село (пред влезот за Ново Село) од 14.10 часот е во целосен прекин.
АМСМ соопшти дека причина за прекинот е сообраќајна незгода.

